Jambylda jyl basynan beri 42 sybaılas jemqorlyq qylmysy tirkelgen

TARAZ. QazAqparat – Jambyl oblysy ákimdiginde ótken basqosý barysynda sybaılas jemqorlyqqa qarsy is-qımyl máseleleri qaraldy, dep habarlaıdy QazAqparat tilshisi.

Sybaılas jemqorlyqqa qarsy is-qımyl departamenti bıylǵy alty aıda óńirde 42 qylmys tirkelgen desek, bul ótken jyldyń sáıkes kezeńimen salystyrǵanda 31-ge az.

Bul týraly vedomstvo basshysy Ádilhan Áshirbaev málimdedi.

«6 monıtorıngtiń nátıjesi boıynsha sybaılas jemqorlyq táýekelderin joıýǵa qatysty 13 usynym joldandy. Monıtorıng jer ýchaskelerin bólý rásimderin, karantın shekteýlerin saqtaı otyryp, áleýmettik tólem taǵaıyndaýǵa qatysty máselelerdi qamtydy», - dedi A.Áshirbaev.

Óńirlik kásipkerler palatasymen birge memlekettik satyp alý júıesinde sybaılas jemqorlyq táýekelderin anyqtaý maqsatynda monıtorıng júrgiziledi.

Nátıjesinde, memlekettik organdardyń satyp alý josparyn qaıta qarap, 950 mıllıon teńge únemdelgen.

Іshki memlekettik aýdıt departamentiniń basshysy Almas Dúısenbaev aǵymdaǵy jyldyń jarty jyldyǵyndaǵy kameraldyq baqylaý qorytyndysyna sáıkes buzýshylyqtardy joıý boıynsha 1442 habarlama jiberilgenin tilge tıek etti.

Buzýshylyqtardy joımaǵan basqarma basshylary QR Ákimshilik quqyq buzý kodeksiniń 462-baby boıynsha jaýapkershilikke tartylǵan.

Otyrys qorytyndysy boıynsha aımaq basshysy Berdibek Saparbaev qaralǵan máselelerge qatysty birqatar naqty tapsyrma júktep, olardyń oryndalýy baqylaýda bolatynyn basa aıtty.