Jambylda úsh aıda 13 azamat ultyn aýystyrýǵa ótinish bergen

TARAZ. QazAqparat - Jyl basynan beri, nebári úsh aı ishinde Jambyl oblysynyń 13 azamaty óz ultyn aýystyrý úshin ótinish bergen. Bul týraly Jambyl oblysynyń polıtsııa departamenti kóshi-qon qyzmeti basqarmasynyń bastyǵy Arman Turdalıev habarlady, dep jazady QazAqparat tilshisi.

Jalpy, oblysta anyqtama derekterin ózgertý úshin 528 adam ótinish bildirgen.

Onyń ishinde 501 azamat tegin aýystyrǵysy kelse, 14-i týǵan kúni men jylyn ózgertýdi qalaǵan. 13-i tipti, ózge ult ókili atanǵysy kelgen.

Sondaı-aq, Arman Turdalıevtiń aıtýynsha, Qazaqstan Respýblıkasynyń azamattyǵyna jeńildetilgen tártippen qabyldanǵan – 542 adam, QR Prezıdentiniń Jarlyǵy boıynsha qabyldanǵan 54 adam qujattandyrylǵan.

Jalpy alǵanda, oblys turǵyndaryna 9657 pasport jáne 23591 jeke kýálik berilip, 4295 azamattyń joǵalǵan qujattary qaıta qalpyna keltirilgen.

Kórsetilgen ýaqyt aralyǵynda oblys boıynsha jeke basyn kýálandyratyn qujattar resimdeý úshin 33 myń 139 elektrondyq ótinim jiberilgen.

Aıta keteıik, buǵan deıin Taraz qalasynyń №2 soty alaıaqtyq, iri mólsherde bógdeniń múlkin jymqyrý jáne ıemdený boıynsha aıyptalǵan 4 tulǵaǵa qatysty úkim shyǵardy,