Jambylda tótenshe jaǵdaı kezinde 50 brakonerlik derek anyqtaldy

TARAZ. QazAqparat – Jambyl oblysy aýmaǵynda «Ýyldyryq shashý» jedel aldyn alý sharasy ótkizilýde. Ol boıynsha tótenshe jaǵdaı talaptaryn buzyp, tabıǵatqa zııan keltirgender anyqtaldy, dep habarlaıdy QazAqparat.

Jambyl oblystyq PD KQPB tabıǵatty qorǵaý polıtsııasy qyzmetkerleri atalǵan jedel aldyn alý is-sharasy kezinde 50 zań buzýshylyqty anyqtady. Bul týraly oblystyq polıtsııa departamentiniń baspasóz qyzmeti habarlady

«Aıtalyq, Shý aýdany Birlik aýylynyń janynda osy aýdannyń Belbasar aýylynyń 42 jáne 34 jastaǵy turǵyndary ustaldy. Atalǵan jaıtqa baılanysty QR ÁQBtK-niń 383-babynyń 3-bóligimen ákimshilik hattama toltyrylyp, sotqa joldandy. Sonymen qatar, basqa da zań buzýshylarǵa qatysty QR ÁQBtK-niń 476-baby boıynsha ákimshilik hattama toltyrylyp, sotqa joldandy»,- delingen vedomstvo habarlamasynda.

Polıtsııa departamenti TJ jáne ýyldyryq shashý kezeńinde anyqtalǵan balyq aýlaý jáne qala syrtyndaǵy demalys áýesqoılary zańǵa sáıkes jazalanatyndyǵyn eskertedi.