Jambylda esirtki jetkizetin iri arnanyń joly kesildi

TARAZ. QazAqparat – Jambyldyq polıtseıler elimizdiń batys óńirlerine esirtki jetkizetin iri arnany anyqtap, jolyn kesti,- dep habarlaıdy QazAqparat tilshisi.

Polıtsııa qyzmetkerleri respýblıkalyq mańyzy bar Batys Eýropa – Batys Qytaı tasjolynyń 532 shaqyrymynda Jambyl aýdany Aısha-bıbi aýylynyń mańynda Túrkistan oblysynyń 36 jastaǵy turǵynynyń basqarýyndaǵy BMW H5 avtokóligin toqtatty. Er adam kóligin tastap, jaıaý qashpaq bolǵan, alaıda birden ustaldy.

Tekserý barysynda onyń kóliginiń júk salǵyshynan jalpy salmaǵy 200 keli keptirilgen marıhýana esirtki zaty salynǵan 8 qap tabyldy.

Kúdiktiniń aıtýynsha, ol esirtkini ótken jyldyń tamyz aıynda Shý aýdanynyń aýmaǵynda daıyndaǵan.

Ustalǵan azamat kinásin tolyq moıyndap, Jambyl aýdandyq polıtsııa bóliminiń ýaqytsha ustaý ızolıatoryna qamaýǵa alyndy.

Atalǵan derek boıynsha Qazaqstan Respýblıkasy Qylmystyq kodeksiniń 297-baby 3-bóligimen sotqa deıingi tergeý amaldary bastaldy. Osy bapqa sáıkes onyń múlkin tárkileı otyryp, on jyldan on bes jylǵa deıingi merzimge bas bostandyǵynan aıyrý jazasy kózdelgen.

Osy qylmysqa qatysy bar bolýy múmkin basqa da tulǵalardy anyqtaý boıynsha birqatar jedel-tergeý is-sharalary júrgizilýde.

Osyǵan deıin asa iri mólsherde esirtki saqtaǵan Jambyl oblysy turǵynynyń 7 jylǵa sottalýy múmkin ekeni týraly jazǵanbyz.

https://kaz.inform.kz/news/asa-iri-molsherde-esirtki-saktagan-zhambyldyk-7-zhylga-deyin-sottaluy-mumkin_a3923111