Jambylda azyq-túlik baǵasyn negizsiz kótergen kásipkerlerge aıyppul salyndy
«Jambyl oblysynda áleýmettik mańyzy bar 19 taýar túrin 15 paıyzdan joǵary ústemeaqymen satyp kelgen kásipkerler jaýapqa tartylýda. Óńirde osyndaı 19 saýda ornyna eskertý jasaldy. Al bir dúkenniń ıesine 10 AEK (31 800 teńge) kóleminde aıyppul salyndy», - dep málim etti jergilikti ákimdiktiń baspasóz qyzmetinen.
Zańǵa sáıkes, áleýmettik mańyzy bar taýarlardyń baǵasyn negizsiz kótergen shaǵyn bıznes sýbektilerine – 10 AEK (31 800 teńge), orta kásipkerlik sýbektilerine – 75 AEK (238 500 teńge), iri kásipkerlik sýbektilerine – 300 AEK (954 000 teńge) mólsherinde ákimshilik aıyppul salynady.
Eske salaıyq, buǵan deıin Saýda jáne ıntegratsııa mınıstrligi áleýmettik mańyzy bar azyq-túlik baǵasyn negizsiz kóterýdiń 734 faktisi anyqtalǵanyn málimdep edi.
