Jambylda 3 tonnadan astam esirtki tárkilendi

TARAZ. QazAqparat – Jambyl oblysy ákimdigi janyndaǵy quqyq buzýshylyq profılaktıkasy vedomstvoaralyq komıssııa otyrysy ótti, dep habarlaıdy QazAqparat tilshisi.

Óńir basshysy Berdibek Saparbaev bıylǵy jyldyń toǵyz aıynda qylmystyq quqyq buzýshylyq ótken jyldyń osy kezeńimen salystyrǵanda 7,5 paıyzǵa tómendegenin atap ótti. Alaıda, oblysta asa aýyr qylmys sany artqandyǵy baıqalady.

Oblystyq polıtsııa departamenti bastyǵynyń birinshi orynbasary Temirbek Orazymbetovtiń

aıtýynsha, júrgizilgen jumys nátıjesinde 3 tonnadan astam esirtki zattary tárkilengen. Bul kórsetkish ótken jylmen salystyrǵanda 372 keli kóp,

Onyń málimetinshe, jergilikti polıtsııa qyzmeti basqarmasyna qarasty 367 ýchaskelik polıtsııa ınspektory jáne olardyń 85 kómekshisi qyzmet etetinin aıtty.

«Oblysta barlyǵy 197 ýchaskelik polıtsııa pýnkti bar, onyń ishinde oblys ortalyǵy Tarazda 30, aýdandarda - 167», - degen Temirbek Orazymbetov 119 ýchaskelik polıtsııa pýktine jóndeý jumysy qajettigin atap ótti. Jyl sońyna deıin birneshe aýylda ýchaskelik polıtsııa qyzmetkeri úımen qamtylady.

Ol bıyl jospar boıynsha 5 ýchaskelik polıtsııa pýnktin jáne 4 modýldik statsıonarlyq beket salynatyndyǵyn jetkizdi.

Aımaq basshysy adam ólimine soqtyratyn qylmys pen alaıaqtyq derekterin azaıtý úshin qajetti jumys júrgizý kerektigin aıtty.

«Jol-kólik oqıǵalaryna kináli júrgizýshilerge qatań sharalar qoldaný kerek. Jol boıynda jaıylǵan mal ıeleri qatysty tekseris júrgizý mańyzdy, jerilikti qoǵamdyq uıymdar, belsendilermen birigip túngi reıdter jasaý qajet. Bul turǵyda barlyq quqyq qorǵaý jáne memlekettik organdar birlesip jumys isteýleri kerek», - degen Berdibek Saparbaev.