Jambyl oblysynyń turǵynynan jarty tonnadan astam marıhýana tabyldy
7 shildede «Qarasora-2022» respýblıkalyq jedel-aldyn alý is-sharasyn ótkizý barysynda Jambyl oblysynyń Polıtsııa departamenti Esirtki qylmysyna qarsy is-qımyl basqarmasynyń qyzmetkerleri Shý aýdany aýmaǵynda pılotsyz ushý apparatyn paıdalandy. Jedel-izdestirý is-sharalaryn júrgizý kezinde jabaıy sorany jınap jatqan 41 jastaǵy jergilikti turǵyndy ustady.
Polıtsııa qyzmetkerleri kúdiktiniń ustalǵan ornyna jaqyn mańdaǵy aýmaqty tekserý barysynda Ýlıa atty qyzmettik ıttiń kómegimen shabylǵan jabaıy qarasorany taýyp, tárkiledi. Saraptama qorytyndysyna sáıkes, ol jalpy salmaǵy 517 keli «keptirilmegen marıhýana» esirtki quraly bolyp shyqty.
«Ustalǵan azamat kinásin tolyq moıyndap, Shý qalasynyń ýaqytsha ustaý ızolıatoryna qamaýǵa alyndy. Bul derekke qatysty Qylmystyq kodekstiń 296-baby 4-bóligi boıynsha sotqa deıingi tergeý amaldary bastaldy. Esirtki zattaryn ótkizý maqsatynda jınaǵany dáleldengen jaǵdaıda, kúdiktige múlkin tárkileı otyryp, 10 jyldan 15 jylǵa deıingi merzimge bas bostandyǵynan aıyrý túrindegi jaza kózdelgen», – dedi Jambyl oblysynyń Polıtsııa departamenti Esirtki qylmysyna qarsy is-qımyl basqarmasynyń bastyǵy Asqar Jumabekov.
Foto: polisia.kz
