Jambyl oblysynyń turǵyndaryna ormanǵa barýǵa tyıym salynbaq
«Ormanda órt qaýpi joǵary bolyp turǵan kezeńderde (jyl saıyn 1 shildeden 20 qyrkúıekke deıin) jeke tulǵalardyń memlekettik orman qory aýmaǵynda bolýyna tyıym salynsyn», - delingen qaýlyda.
Qujatqa qosymsha berilgen túsindirmede kórsetilgendeı, mundaı sheshim orman alqabynda órt oqıǵalarynyń aldyn alý maqsatynda qabyldanyp otyr.
«Oblysymyzdyń memlekettik orman qory jerinde joǵary órt qaýpi kezeńi ár jyldyń 1 maýsymynan 20 qyrkúıegine deıin baıqalady. Jambyl gıdrometeorologııa ortalyǵynyń málimeti boıynsha oblys aýmaǵynda joǵaryda kórsetilgen aılarda +30+40°S órt qaýpi kezeńi baıqalady. Memlekettik orman qory jerinde jeke tulǵalardyń kóp bolýy saldarynan orman alqabynda órt shyǵý oqıǵalary da kóbeıedi. Orman órti bolǵan jaǵdaıda sekseýil, júzgin jáne taǵy da basqa aǵashtar órtenip, joıylady. Jaqyn ornalasqan eldi mekenderdi, joldardy jáne egis alqaptaryn qum basyp qalý qaýpi tónedi. Sondyqtan osy joǵaryda kórsetilgen faktilerdiń aldyn alý maqsatynda tyıym salý jumystaryn júrgizý qajet», - dep kórsetilgen túsindirme jazbada.
Jambyl oblysyndaǵy memlekettik orman qorynyń jalpy kólemi 4 mln 425,3 myń gektar. Ony qorǵaý jumystarymen 15 orman sharýashylyǵy memlekettik mekemesi aınalysady.