Jambyl oblysynyń bes aýylynda múldem baılanys joq

TARAZ. QazAqparat - Jambyl oblysyndaǵy 5 aýylda múldem mobıldi baılanys joq. 367 aýyldyń 72-si áli kúnge deıin tómen jyldamdyqty 2G jáne 3G mobıldi ınternetpen otyr. Al talshyqty-optıkalyq baılanys jelisi joq aýyldar sany –185, dep habarlaıdy QazAqparat tilshisi.

Baılanyssyz otyrǵan aýyldardyń qatarynda Sarysý aýdanynyń Arystandy, Shyǵanaq, Jaılaýkól, Qamqaly aýyldary jáne Moıynqum aýdanynyń Ulanbel aýyly bar.

Jambyl oblystyq tsıfrlyq tehnologııalar basqarmasynyń bergen málimetine súıensek, óńirdegi 150 eldi mekende 4G bar. Al múldem baılanyssyz otyrǵan 5 aýylǵa aldaǵy ýaqytta «Ksell» mobıldi ınterneti ornatylmaq.

Aıta keteıik, buǵan deıin biz bıyl Qazaqstanda 5G ınternet jelisin taratý aýqymy keńeıedi dep jazǵan bolatynbyz

Eske salsaq, 2022 jyly jeltoqsanda Qazaqstanda 5G jıilikterin taratý boıynsha aýktsıon ótti. Birinshi tenderde jıilik 62,6 mlrd teńgege, ekinshisinde 93,4 mlrd teńgege satyldy.

Úkimet basshysy Álıhan Smaıylov 5G engizýdi 2027 jylǵa deıin aıaqtaýdy tapsyrdy.

«Qazaqtelekom» aktsıonerlik qoǵamynyń enshiles kompanııalary 2027 jylǵa deıin elimiz boıynsha 7 myńnan astam bazalyq stantsııa salýǵa tıis.

Bıyl Astana, Almaty jáne Shymkent qalalarynda osyndaı 486 stantsııa paıdalanýǵa beriledi.