Jambyl oblysynda jabaıy qaban atyp alǵan brakoner ustaldy
Mamandandyrylǵan «Sapsan» jedel qyzmetiniń kezekti reıd sharasy kezinde ınspektorlar zańsyz ań aýlaý faktisin anyqtady. Naqtylaı aıtqanda ınspektorlar Moıynqum aýdanyndaǵy Qońyrbaı qystaýynyń mańynan ań aýlaǵan 26 jastaǵy kúdikti ustaldy. Bul týraly oblystyq tabıǵı resýrstar jáne tabıǵat paýdalanýdy retteý basqarmasynyń baspasóz qyzmeti habarlady.
«Tekserý kezinde ustalǵan azamattyń 1 jabaıy qabandy atyp alǵandyǵy belgili boldy. Sonymen qatar, odan esh jerde tirkelmegen zańsyz 16 kalıbrli qosaýyz ańshy myltyǵy bar ekeni anyqtalyp, Moıynqum aýdandyq ІІB-ne ótkizildi», - delingen basqarma habarlamasynda.
Ustalǵan jigitke oqıǵa ornynda ákimshilik quqyq buzýshylyq boıynsha hattama toltyrylyp, 250 aılyq eseptik kórsetkish kóleminde aıyppul salyndy.
