Jambyl oblysynda UBT tapsyratyn bitirýshilerdiń sany azaıdy
Bıyl Jambyl oblysynda mektep bitirýshileriniń 64%-y UBT tapsyrmaq, byltyr bul kórsetkish 70% edi.
Oblystyq bilim berý basqarmasynyń basshysy Rahııa Turmahanbetovanyń aıtýynsha, óńirde bıyl 9 611 oqýshy bitiredi (2017 jylǵy kórsetkish - 8 826). Sonyń 241-i «Altyn belgiden», 194-i úlgili attestat alýdan úmitti.
«Bıyl jambyldyq bitirýshilerdiń 6 082-si UBT tapsyrýǵa nıet bildirdi. Sonyń 5 368-i memlekettik tilde, 714-i orys tilinde emtıhan tapsyrady. Al aǵylshyn tilinde emtıhan tapsyrýǵa nıet bildirgender ázirge joq. UBT tapsyrýǵa on pýnkt ázir tur, onyń ishinde Muhammed-Haıdar Dýlatı jáne Taraz memlekettik pedagogıka ınstıtýty da bar», - deıdi ol.
Oqýshylar Ulttyq testileý ortalyǵynyń saıtynda (www.testcenter.kz), tikeleı qalalyq testileý ortalyqtarynda nemese óz betimen synaq retinde test tapsyryp kórýine bolady.
Ulttyq biryńǵaı testileý bıyl 1 maýsymnan 1 shildege deıin, al keshendi testileý 17-23 shilde aralyǵynda ótedi. Qorytyndy attestattaý 29 mamyrdan 9 maýsymǵa deıin jalǵasady. UBT-ny qaıta tapsyrý múmkindigi 2018 jyldyń tamyzynda jáne 2019 jyldyń qańtarynda beriledi.
