Jambyl oblysynda polıtsııanyń bes front keńsesi ashyldy
Front keńseniń ashylý rásimine polıtsııa departamentiniń basshylary, ákimdik, Sybaılas jemqorlyqqa qarsy is-qımyl agenttiginiń Jambyl oblysy boıynsha departamenti, úkimettik emes uıymdardyń ókilderi, jýrnalıster men blogerler qatysty.
Іshki ister organdaryn jańǵyrtý jónindegi 2019-2021 jyldarǵa arnalǵan Jol kartasyn jáne Qazaqstan Respýblıkasynyń Prezıdenti Qasym-Jomart Toqaevtyń Qazaqstan halqyna Joldaýynda belgilengen maqsattardy iske asyrý aıasynda azamattar úshin bul kúni birden bes front-keńse ashyldy, onyń ekeýi aýdandyq polıtsııa bólimderiniń janynda isteıdi.
Nátıjesinde búgingi tańda Jambyl oblysynda 14 front keńse jumys jasaıdy. Onda ákimshilik polıtsııa, kóshi-qon jáne jergilikti polıtsııa qyzmetiniń mamandary turǵyndardyń suraqtaryna jaýap berip, túrli máselelerdi sheshýge qatysty qajetti kómek kórsetedi, sonymen qatar halyqqa kórsetiletin memlekettik qyzmetter boıynsha aqparat beredi.
Sondaı-aq front keńse qyzmetkerleri ózderiniń tikeleı mindetterin oryndaýmen qatar, azamattardyń quqyq qorǵaý organdarynyń jumysyn jaqsartý jónindegi usynys-pikirlerin tirkeıdi. Quqyq qorǵaý organdarynda buryn-sońdy mundaı azamattardy qabyldaý front-keńseleri bolmaǵanyn eskersek, Departament basshylyǵy oblys turǵyndary úshin bul jańashyldyqtyń tıgizer paıdasy mol bolatynyna senim artady.
Jańa front keńse óz jumysyn bastaǵannan keıin PD bastyǵy polıtsııa polkovnıgi Arman Orazalıev azamattardy jeke qabyldady, budan keıin osy kúni Taraz qalasynyń Polıtsııa basqarmasy men №2 qalalyq polıtsııa bóliminde ashylǵan jańa front keńselermen tanysty.
Búgingi tańda front keńse qyzmetkerlerine barlyǵy 5 myńnan astam adam júgingen, olardyń barlyǵyna ýaqtyly quqyqtyq kómek kórsetildi, árbir ótinishke azamattar tolyqqandy jáne kásibı jaýap aldy.
Osylaısha, polıtsııanyń halyqpen jumys jasaýdaǵy engizilgen jańashyldyq úrdisi qoǵamdyq dıalogty uıymdastyrýdy aıtarlyqtaı jaqsartyp, azamattardyń qajettilikterine qatysty ashyqtyq pen jedel den qoıý qaǵıdattaryn iske asyrýǵa múmkindik beredi.
