Jambyl oblysyn tamashalaý úshin keletin týrıster sany artty

TARAZ. QazAqparat - Osy jyldyń birinshi toqsanynda Jambyl oblysyna 31 myń 144 týrıst keldi. Olardyń 467-si sheteldik týrıst bolsa, qalǵan 30 myń 677-si elimizdiń basqa óńirlerinen kelgen týrıster. Bul ótken jyldyń sáıkes kezeńimen salystyrǵanda 116 paıyzǵa artyq, dep habarlaıdy QazAqparat tilshisi.

Statıstıkalyq málimetterge súıensek, ótken jyly oblysqa kelgen týrıster sany 135 myń 712 adam, onyń ishinde shetel týrısteriniń sany 2 872 adam.

Jambyl oblystyq týrızm basqarmasynyń basshysy Birjan Kúzembekovtiń aıtýynsha, byltyr týrızm salasyna salynǵan ınvestıtsııa kólemi 15 mıllıard 12 mıllıon teńgeni qurap, jyldyq jospar 146,5 paıyzǵa oryndalǵan.

Qazirgi ýaqytta oblys aýmaǵynda 214 týrısterdi ornalastyrý oryndary bar. Atap aıtsaq, 182 qonaq úı, 1 qonaq jaı, 8 balalar-saýyqtyrý lageri, 1 týrıstik baza, 20 páter jáne 2 jalǵa beriletin úı.

Sondaı-aq, 434 tamaqtaný orny, 15 týrıstik uıym, 7 shıpajaı, 15 demalys orny, 200-den asa qolónershi men 25 kólik sýbektisi jumys atqarady. Týrıstik nysandar sany 65 bolsa, olar arqyly ótetin 45 týrıstik baǵyt ázirlengen.

Aıta keteıik, buǵan deıin Jambyl oblysynda qaıda barýǵa bolatyny týraly jazǵan bolatynbyz.