Jambyl Ahmetbekov Semeı turǵyndarymen kezdesti

SEMEI. QazAqparat - QR Prezıdenttigine úmitker Jambyl Ahmetbekov Semeı qalasynyń turǵyndarymen kezdesti, dep habarlaıdy QazAqparat tilshisi.

Mádenıet úıinde ótken kezdesýde J. Ahmetbekov saılaýaldy baǵdarlamasynyń negizgi aspektilerine toqtalyp, kedeılikpen kúresýge arnalǵan óziniń josparymen bólisti.

Qatysýshylar prezıdenttikke úmitkerge kókeılerinde júrgen suraqtaryn qoıdy. Olardyń qatarynda jalaqy kólemin arttyrý men eńbek jaǵdaıyn jaqsartý, medıtsınalyq qyzmetpen qamtý jáne baspana máselesi boldy.

Eske sala keteıik, QR Prezıdentiniń saılaýy 9 maýsym kúni ótedi. Qazirgi tańda tirkelgen 7 kandıdat úgit-nasıhat jumystaryn júrgizip jatyr.

Álıhan Asqaruly