Jambyl turǵyny terrorızmdi nasıhattaǵany úshin 7 jylǵa sottaldy

ASTANA. KAZINFORM —  Túrkistan oblysynda terrorızmdi nasıhattaǵany jáne ekstremıstik uıymnyń qyzmetine qatysý arqyly basqarý tártibine qarsy qylmystyq quqyq buzýshylyq jasaǵan azamattar sottaldy. 

— Jambyl oblysynyń turǵyny ótken jyldyń qazan aıynda Telegram áleýmettik jelisinde «Islam úshin» atty paraqsha ashyp, onda zańsyz terrorıstik qurylym retinde tanylǵan «Musylman baýyrlar» jáne «Ózbekstan-ıslamdyq qozǵalysy» (Qazaqstanda tyıym salynǵan — red.) halyqaralyq terrorıstik uıymdarynyń beıne jazbalaryn taratqan. Sol sııaqty, Túrkistan oblysynyń turǵyny jeltoqsan aıynda «WhatsApp» jáne «Facebook» áleýmettik jelileri arqyly birneshe ret «Hızb-ýt-Tahrır» (Qazaqstanda tyıym salynǵan — red.) dinı ekstremıstik uıymynyń beınejazbalaryn taratqan, — delingen Túrkistan oblysynyń prokýratýrasy habarlamasynda.

Memlekettik aıyptaýshylar sot barysynda sottalýshylardyń kinásin tolyq dáleldep, bas bostandyǵynan aıyrý jazasyn taǵaıyndaýdy suraǵan.

Terrorızmdi nasıhattaǵan kináli tulǵalarǵa 7 jyl merzimge bas bostandyǵynan aıyrý jazasy taǵaıyndalyp, jazany qylmystyq-atqarý júıesiniń qaýipsizdigi barynsha joǵary mekemesinde óteý taǵaıyndaldy.

Úkimder zańdy kúshine engen.

Buǵan deıin jelide terrorızmdi nasıhattady degen kúdikpen 4 qazaqstandyq ustalǵan edi.