Jambylda turyp qalǵan poıyzdar qaıta jolǵa shyqty
Qolaısyz aýa raıy men aınala túk kórinbeıtin jaǵdaıda Jambyl óńiriniń temirjolshylary táýlik boıy qarmen kúresip jatyr, dep habarlaıdy Kazinform QTJ baspasóz qyzmetine silteme jasap.
13-15 jeltoqsan aralyǵynda 11 myń tekshe metrden astam qar kúreldi. Joldardy tazartý úshin arnaıy tehnıka jumyldyrylǵan.
«Qazirgi ýaqytta jolaýshy poıyzdarynyń qozǵalysy qıyn ýchaskede qaıta jandandy. Óńir temirjol ýchaskelerinde qozǵalys qaýipsizdigin qamtamasyz etý úshin poıyzdardyń júrý jyldamdyǵyna shekteý qoıyldy» delingen habarlamada.
Kóliktegi polıtsııa departamentiniń qyzmetkerleri QTJ-men birlesip tótenshe jaǵdaı aımaǵynda qalǵan azamattarǵa jolaýshylar poıyzymen mejeli jerge jetýge kómek kórsetip jatyr.
Sondaı-aq, temirjol vokzaldarynda qoǵamdyq tártiptiń saqtalýyna jaýap beredi.
Kóliktegi polıtsııa departamentiniń basshylyǵy jedel shtabqa engizilgen.
Eske sala keteıik, buǵan deıin Shý-Otar aýmaǵynda 11 jolaýshy jáne 12 júk poıyzy toqtap turǵanyn habarlaǵan edik.
Keshe túnde Jambyl oblysynda óńirlik aýqymdaǵy tótenshe jaǵdaı jarııalandy.
ІІM baspasóz qyzmetiniń málimetinshe, jambyldyq polıtseıler avtojoldardaǵy jaǵdaı durystalyp, qaýip seıilgenshe azamattarǵa jan-jaqty kómek kórsetip jatyr.
Sondaı-aq Jambyl oblysynda jolda qalǵan adamdarǵa qyrǵyz qutqarýshylary kómekke keldi.
Posmotret etý pýblıkatsııý v Instagram
