Jambyl oblysy – qyzǵaldaqtyń tarıhı otany: óńirde halyqaralyq konferentsııa ótti
TARAZ. KAZINFORM – Jambyl oblysynda «Qyzǵaldaq mura» eki kúndik halyqaralyq festıvali aıasynda álemniń jetekshi ǵalymdarynyń qatysýymen ǵylymı-tájirıbelik konferentsııa ótti.
Botanıka jáne fıtoıntrodýktsııa ınstıtýtynyń bas dırektory, bıologııa ǵylymdarynyń doktory Gúlnar Sıtpaeva Qazaqstandaǵy qyzǵaldaqtyń baı jáne kópshilikke beımálim tarıhy týraly baıandap berdi.
Ontústik Qazaqstan aýmaǵy, ásirese Jambyl oblysy, qyzǵaldaqtardyń alýan túrliligi boıynsha álemdik ortalyqtardyń biri.
Qazaqstanda qyzǵaldaqtyń 41 túri ósedi, onyń 17-i Qazaqstannyń Qyzyl kitabyna engizilgen. Jambyl oblysy qyzǵaldaq túrleriniń ár alýandyǵy boıynsha basqa óńirler arasynda kósh bastap tur. Aımaqta qyzǵaldaqtyń 18 túri kezdesedi, onyń 10-y Qazaqstannyń Qyzyl kitabyna engen.
— Qyzǵaldaq túrleriniń alýan túrliligi ishinde sándik turǵydan eń qundysy — Kaýfman jáne Greıg qyzǵaldaqtary. Gollandııalyq selektsıonerler osy túrlerdiń negizinde búkil álemniń baqtaryn kórkemdeıtin jańa suryptar shyǵardy, — dedi ol.
Basqosý barysynda geobotanıka mamandyǵy boıynsha jaratylystaný ǵylymdarynyń magıstri Aıagóz Tólenova, bıologııa ǵylymdarynyń kandıdaty, Astana botanıkalyq baǵynyń qaýymdastyrylǵan professory Sáýle Muhtýbaeva, bıologııa ǵylymdarynyń kandıdaty, Astana botanıkalyq baǵynyń ǵylymı qyzmetkeri Aıjan Jamanqara, botanıka jáne fıtoıntrodýktsııa ınstıtýtynyń qyzmetkeri Aleksandr Dýbynın sóz sóıledi.
Natýralıst jáne ornıtolog Málik Núkisbekov endemıkalyq qyzǵaldaqtardyń erekshelikterin atap ótip, osy sırek kezdesetin túrlerdiń qaýip-qaterlerin kórsetti.
Konferentsııa qorytyndysy boıynsha qarar qabyldandy. Qatysýshylar Greıg, Kaýfman jáne Regel qyzǵaldaqtaryn ıÝNESKO-nyń Búkilálemdik tabıǵı muralar tizimine engizý, keıinnen Qazaqstan qyzǵaldaqtarynyń biregeı genetıkalyq qoryn saqtaý úshin Kishi Qarataý aýmaǵynda geopark uıymdastyrý týraly usynysty qaraýǵa usynyp otyr.
Aıta ketelik Jambyl oblysy qyzǵaldaqtardyń otany mártebesin nyǵaıta túspek.