Jambylda mal urlap, etke ótkizgen qaskóıler 5 jylǵa sottaldy
ASTANA. KAZINFORM — 2024 jyldyń qazanynan bastap T.Rysqulov aýdanynyń polıtsııa bólimshesine birqatar aýyl turǵynynan mal urlyǵy boıynsha aryzdar túsip, sotqa deıingi 5 tergep-tekserý isteri bastalǵan.
Jedel-izdestirý is sharalarynyń nátıjesinde 4 kúdikti anyqtalyp, barlyǵy Lýgovoı aýylynyń turǵyndary bolyp shyqty.
Sotqa deıingi tergep-tekserý barysynda atalǵan tulǵalar aldyn ala sóz baılasý arqyly túngi ýaqytta ózderiniń basqarýyndaǵy jeńil avtokólikterimen shyǵyp, aýyldardyń aınalasynda jaıylyp júrgen jylqy jáne sıyr maldaryn ustaý arqyly soıyp, etke ótkizýmen aınalysqandyǵy anyqtalǵan.
— 13 bas úı janýarlary urlanyp, jábirlenýshilerge 4,6 mln teńgege materıaldyq shyǵyn keltirilgen. Aýdandyq sottyń 2024 jylǵy 20 jeltoqsandaǵy úkimimen tórt sottalýshy QK-niń 188-1-baby 3-bóliginiń 1) tarmaǵy boıynsha kináli dep tanylyp, oǵan 5 jyl merzimge bas bostandyǵynan aıyrý túrindegi jazasy taǵaıyndaldy. Osy tektes 2024 jyldyń qyrkúıek jáne qarasha aılarynda zalal kólemi 7 mln teńgeni quraıtyn 17 bas mal urlyǵynyń eki faktisi áshkerelengen. Aýdandyq sottyń úkimimen eki qylmysker 3 jyl 6 aı jáne 5 jyl merzimge bas bostandyǵynan aıyrý túrindegi jazalaryna sottaldy. Úkimder zańdy kúshine enbegen, — delingen oblystyq prokýratýrasy habarlamasynda.
Budan buryn elimizde mal urlyǵy jazasy qatańdatylǵanyn jazdyq.