Jambyl oblystyq PD bastyǵy qyzmetkerine balaǵat sóz aıtqany úshin qyzmetinen bosatyldy
TARAZ. KAZINFORM – Áleýmettik jelilerde Jambyl oblystyq Polıtsııa departamentiniń bastyǵy Armanbek Baımýrzınniń qatysýymen bolǵan beınerolık taraǵan bolatyn.
Onda onyń qaramaǵyndaǵy qyzmetkerge boǵaýyz sóz aıtyp, tildegeni túsirilgen. Atalǵan vıdeoǵa baılanysty departament bastyǵy Armanbek Baımýrzın qyzmetinen bosatyldy.
«Jambyl oblysy ІІD bastyǵynyń qatysýymen túsirilgen beınerolıktiń negizinde Іshki ister mınıstriniń tapsyrmasy boıynsha qyzmettik tergeý taǵaıyndaldy. Oblysqa Іshki ister mınıstrliginiń Kadr saıasaty departamentiniń bastyǵy men ishki qaýipsizdik qyzmetiniń ókilderi joldandy. Qyzmettik tergeý kezeńinde oblystyń PD bastyǵy A.Baımýrzın qyzmetinen bosatyldy», – dep habarlady QR ІІM baspasóz qyzmeti.
Polıtsııa general-maıory Armanbek Hakimbekuly Baımýrzın 1974 jyldyń 3 sáýirinde Kókshetaý oblysynyń Şýchınsk qalasynda týylǵan. Bilimi – joǵary.
1992 jyldyń tamyz aıynan 1994 jyldyń qyrkúıek aıyna deıin- Qazaqstan Respýblıkasy Іshki ister mınıstrliginiń Qaraǵandy joǵary mektebinde, 1994 jyldyń qyrkúıek aıynan 1996 jyldyń qańtar aıyna deıin Qazaqstan Respýblıkasy MTK-niń joǵarǵy tergeý mektebinde oqydy, ony aıaqtaǵan soń Almaty qalasynyń Áýezov aýdany boıynsha MTK basqarmasynyń tergeý bólimshesiniń tergeýshisi bolyp qyzmet atqardy.
1997 jyldan bastap ІІO-nyń jedel quramynda ártúrli laýazymdarda jumys atqardy.
2004 jyldyń aqpanynan 2012 jyldyń sáýirine deıin QR ІІM Krımınaldyq polıtsııa komıtetinde ártúrli basshylyq laýazymdarda qyzmet etti.
2012 jyldyń sáýirinen 2014 jyldyń qarashasyna deıingi aralyqta Jambyl oblysynyń Іshki ister departamenti bastyǵynyń birinshi orynbasary qyzmetin atqardy.
2014 jyldyń 24 qarashasynan 2019 jyldyń qazanyna deıin – Qazaqstan Respýblıkasynyń Іshki ister mınıstrligi Krımınaldyq polıtsııa departamentiniń bastyǵy.
2019 jyldyń qazanynan 2022 jyldyń 9 aqpanyna deıin - Aqmola oblysy Polıtsııa departamentiniń bastyǵy.
2022 jylǵy 10 aqpannan bastap qazirgi ýaqytqa deıin Jambyl oblysy Polıtsııa departamentiniń bastyǵy boldy.
