Jambyl oblystyq balalardyń quqyqtaryn qorǵaý basqarmasynyń basshysy aýysty
ASTANA. KAZINFORM — Jambyl oblysy ákiminiń ókimine sáıkes jańadan qurylǵan balalardyń quqyqtaryn qorǵaý basqarmasy basshysynyń mindetin atqarýshy bolyp Elmıra Myrza-Ǵalı taǵaıyndaldy, dep habarlaıdy oblys ákiminiń baspasóz qyzmeti.
Elmıra Inııatqyzy 1980 jyly Jambyl oblysy Jambyl aýdanynda dúnıege kelgen.
2001 jyly M. H. Dýlatı atyndaǵy Taraz memlekettik ýnıversıtetiniń «qazaq tili men ádebıeti, qytaı tili» mamandyǵyn támamdaǵan. 2002 jyly atalǵan oqý ornynda «fılologııa» mamandyǵy boıynsha magıstratýrany bitirgen.
Eńbek jolyn 2001 jyly B.Momyshuly atyndaǵy qazaq klassıkalyq gımnazııasynyń shyǵys poezııa, sheshendik sózder pániniń muǵalimi bolyp bastaǵan.
Ár jyldary M. H. Dýlatı atyndaǵy Taraz memlekettik ýnıversıtetiniń «Qazaq ádebıeti» kafedrasynda oqytýshy, atalǵan ýnıversıtettiń aspıranty, Qazaqstan Respýblıkalyq teleradıokorporatsııasy AQ-nyń Jambyl oblystyq fılıalynda redaktor, aǵa redaktor, Taraz qalasy ákimdigi ishki saıasat bóliminiń «Jambyl-Taraz» gazetinde bas redaktor, dırektor qyzmetterin atqarǵan.
2021 jyldan bastap búgingi kúnge deıin Jambyl oblystyq «Anaǵa taǵzym» otbasylyq damý áleýmettik ortalyǵynyń dırektory bolyp eńbek etip keldi.
Osydan buryn Sergeı Trıkoz Qazaqstan voleıbol quramasynyń bas bapkeri qyzmetine taǵaıyndalǵanyn jazdyq.
