Jambyl oblysynyń turǵyny maıa shóptiń arasynda 23 keli esirtki saqtaǵan

Jambyl oblysynyń Polıtsııa departamenti EQQІB qyzmetkerleri «Quqyqtyq tártip» jedel-profılaktıkalyq is-sharasy aıasynda Merki aýdanynyń 54 jastaǵy turǵynynyń úıindegi saraıda jınalǵan shóptiń arasynan ishinde túrli esirtki zattary bar 3 polıetılen paket tapty, dep habarlaıdy Kazinform. 

Polıetılen paket ishinde jalpy salmaǵy 22 keli 744 gramm «keptirilgen marıhýana» jáne 10 gramm «gashısh» bolǵan.

Atalǵan derek boıynsha QR Qylmystyq kodeksiniń 296-babynyń 4-bóligi (Esirtki, psıhotroptyq zattardy, olardyń analogtaryn asa iri mólsherde ótkizý maqsatynsyz zańsyz daıyndaý, qaıta óńdeý, satyp alý, saqtaý, tasymaldaý) boıynsha sotqa deıingi tergep-tekserý amaldary bastaldy.

«Er adam óz kinásin moıyndap, ýaqytsha ustaý ızolıatoryna qamaqqa alyndy. Tergeý áreketteri júrgizilip jatyr. Osy qylmysty jasaǵany úshin úsh jyldan jeti jylǵa deıingi merzimge bas bostandyǵynan aıyrý túrindegi qylmystyq jaýapkershilik kózdelgen», - dedi Jambyl oblysy PD EQQІB bastyǵy polıtsııa polkovnıgi Álim Bajyqbaev.

Buǵan deıin Taraz qalalyq qurylys bóliminiń basshysy úsh jylǵa sottalǵanyn jazǵan bolatynbyz.