Jambyl oblysynda shomylý maýsymy bastalǵaly 4 adam sýǵa ketti

TARAZ. KAZINFORM – Jambyl oblysy aýmaǵynda shomylýǵa arnalǵan 13 oryn belgilengen. 

Jyl basynan beri óńirdegi shomylý aıdyndarynda 4 adam sýǵa ketken. Bul týraly oblystyq tótenshe jaǵdaılar departamentiniń baspasóz qyzmeti habarlady.

«Shomylý maýsymy bastalǵaly júrgizilgen reıdterdiń nátıjesinde demalý oryndarynda 1030 buzýshylyq anyqtaldy. Onyń ishinde ortaq sý paıdalaný qaǵıdalaryn buzǵany úshin 480 adam jaýapkershilikke tartylsa, 500 azamattyń qoǵamdyq oryndarda masań kúıde bolǵany anyqtaldy. Al sý aıdyndaryndaǵy qaýipsizdik erejelerin buzǵany úshin bas-aıaǵy 50 adam jazalandy, – delingen sondaı-aq, oblystyq tótenshe jaǵdaılar departamentiniń baspasóz qyzmeti taratqan aqparatta.