Jambyl oblysynda shomylý maýsymy bastalǵaly 305 quqyqbuzýshylyq tirkeldi

TARAZ. KAZINFORM – Jambyl oblysynda shomylý maýsymynda qaýipsizdikti qamtamasyz etý maqsatynda 13 resmı shomylý orny bekitildi. Bul týraly oblystyq Tótenshe jaǵdaılar departamentiniń Azamattyq qorǵanys basqarmasynyń aǵa ofıtseri Ýalıhan Ýálıev málim etti.

Resmı derekke sáıkes, oblys aýmaǵynda 9 kommýnaldyq jáne 4 jeke jaǵajaı jumys isteıdi. Sonymen qatar 189 orynda shomylýǵa tyıym salynǵan.

- Sý aıdyndarynda 8 qutqarý beketi táýlik boıy kezekshilik júrgizýde. Aldyn alý sharasy aıasynda 1 550 reıd ótkizilip, 12 myńnan astam jadynama taratyldy.

Reıdter barysynda 305 quqyqbuzýshylyq anyqtaldy. 101 adamǵa eskertý berildi, 178 adamǵa 1,8 mln teńgeden astam, 26 adamǵa 356 myń teńgege jýyq aıyppul salyndy, - dedi TJD ókili.

Jyl basynan beri sýǵa batý deregi tirkelmegen.

Balyq aýlaý kezinde 10 adam qutqaryldy.

Sonymen qatar 1 980 bala tegin júzýge úıretildi.

Aıta keteıik, Jambylda motokólik júrgizýshileriniń zańbuzýshylyǵy jıilegen.