Jambyl oblysynda órt saldarynan qaza bolǵandar sany 4 ese ósken

Jambyl oblysy aýmaǵynda ótken jylytý maýsymynda, ıaǵnı 2022 jyldyń 15 qazany men osy jyldyń 15 sáýiri aralyǵynda turǵyn úı sektorynda 233 órt tirkelgen.

Saldarynan 6 adam qaza bolyp, 5 adam jaraqat alǵan. Ótken jylmen salystyrǵanda órt oqıǵalarynyń sany 12 paıyzǵa artqan. Al órt saldarynan qaza bolǵan adamdar sany 4 esege ósip, jaraqat alǵandar 2 esege kóbeıgen, dep habarlaıdy Kazinform.

Jambyl oblystyq tótenshe jaǵdaılar departamenti memlekettik órt baqylaý basqarmasynyń bastyǵy, azamattyq qorǵaý polkovnıgi Maqsat Ákimbaevtyń aıtýynsha, órttiń 70 paıyzy turǵyn úı sektorynda, 23 paıyzy avtokólik quraldarynda oryn alǵan.

«Materıaldyq shyǵyn 23 mıllıon 613 myń teńgeni qurady. Sondaı-aq, ýly gazdan 4 adam qaza tapsa, 23 adam jaraqat aldy. Bıyl 9 aıdyń ishinde jalpy oblys aýmaǵynda 611 órt tirkelip, saldarynan 15 adam qaza taýyp, 14 adam jaraqat aldy. Materıaldyq shyǵyn 159 mıllıon 83 myń teńgeni qurady. Osyǵan oraı, qazirgi tańda jylytý maýsymy kezinde halyqtyń qaza bolýy men jaraqattanýyn azaıtýǵa baǵyttalǵan profılaktıkalyq is-sharalar kesheni iske asyrylýda», – deıdi Maqsat Ákimbaev.

Aıta keteıik, buǵan deıin Jambyl oblysynda balalardyń turmystyq hımııa men dárilerden ýlanýy jıilegenin jazǵan bolatynbyz.