Jambyl oblysynda mal aýrýlarynyń 10 deregi anyqtaldy
ASTANA. KAZINFORM — Oblystyq veterınarııa basqarmasynyń málimetinshe, tirkelgen jaǵdaılar óńirdegi jalpy mal basymen salystyrǵanda óte az úlesti quraıdy. Qazir oblysta 4,5 mıllıonnan astam mal bar, dep habarlaıdy Kazinform agenttiginiń tilshisi.
«Aýyl sharýashylyǵy janýarlaryn sáıkestendirý» aqparattyq júıesine sáıkes, Jambyl oblysyndaǵy mal basy mynadaı:
- iri qara mal — 504 147
- usaq mal — 3 835 222
- jylqy — 217 339
- túıe — 8 665
- shoshqa — 4 760
2025 jyldyń basynan beri mamandar mynadaı aýrýlardy tirkedi:
- qutyrma — 3 jaǵdaı
- pıroplazmoz (keneler arqyly juǵatyn parazıttik qan aýrýy) — 2 jaǵdaı
- salmonellez (ishek bakterııalyq ınfektsııasy) — 2 jaǵdaı
- pasterellez (tynys joldary men ishki aǵzalardy zaqymdaıdy) — 2 jaǵdaı
- anaerobty enterotoksemııa (ishektegi ınfektsııa, aǵzany ýlandyrady) — 1 jaǵdaı
— Barlyq jaǵdaıda karantındik shekteýler engizilip, qajetti veterınarııalyq-aldyn alý sharalary júrgizildi, — dedi oblystyq vetstantsııa basshysy Serik Berdibaev.
Aımaqta mal aýrýlarynyń aldyn alý jáne olarmen kúresý maqsatynda epızootııaǵa qarsy is-sharalar jalǵasyp jatyr. Bul maqsatqa oblystyq bıýdjetten 3,5 mlrd teńge bólingen, qazirgi ýaqytta onyń 2,1 mlrd teńgesinen astamy ıgerildi.
Sonymen qatar, respýblıkalyq bıýdjetten patogender satyp alýǵa 679 mln teńgege jýyq qarajat bólindi.
2025 jylǵa arnalǵan jospar boıynsha oblysta 16,5 mıllıon profılaktıkalyq shara júrgizý kózdelgen.
— Bul jumystar negizgi aýyl sharýashylyǵy janýarlaryn qamtıdy. Atap aıtqanda, aýsyl, kúıdirgi, qutyrma jáne túıindi dermatıt aýrýlaryna qarsy vaktsınatsııalar júrgizildi. Toǵyz aıda mıllıondaǵan iri qara, usaq mal, jylqy men ıtter óńdeldi, — dep málimdedi oblystyq veterınarııa basqarmasy.
Buǵan deıin Qyzylordada janýar tistegen 1,5 myńnan astam adam dárigerge júgingenin jazdyq.