Jambyl oblysynda qyz alyp qashqan 2 jigit sottaldy

Taraz qalasynyń №2 sotynyń sheshimimen Mańǵystaý jáne Aqtóbe oblystarynyń azamattary qyzdy alyp qashqany úshin sottaldy, dep habarlaıdy Kazinform Jambyl oblysy prokýratýrasynyń baspasóz qyzmetine silteme jasap.

Baspasóz qyzmetiniń málimetterine qaraǵanda, 2022 jyldyń kókteminde «J» esimdi azamat ortaq tanystary arqyly «A» esimdi qyzben tanysqan.

Birneshe kezdesýden keıin, qyz qarym-qatynasty odan ári jalǵastyrýdan bas tartqan. Alaıda «J» esimdi azamat qyzǵa úılený úshin alyp qashýǵa sheshim qabyldaǵan.

2023 jyldyń aqpan aıynda Tarazǵa kelip, «J» esimdi azamat dosymen birge óz josparyn júzege asyrýǵa kirisip, qyzdy aldap, kólikke kúshpen otyrǵyzyp, qaladan alyp ketýge tyrysqan.

Kórshiler qyzdyń kómekke shaqyrǵanyn estip, polıtsııa shaqyrǵan. Polıtsııa jedel áreket etip, kúdiktilerdi ustady.

2023 jyldyń 21 qyrkúıegi kúni Qylmystyq kodekstiń 125-baby 2-bóliginiń 1-tarmaǵy boıynsha sot úkimimen ekeýi de – qyzǵa úılenýge nıetti jigit pen onyń dosy kináli dep tanylyp, 7 jylǵa bas bostandyǵynan aıyryldy.

Úkim zańdy kúshine engen joq.

«Urlaý, onyń ishinde qyz alyp qashý adam quqyqtaryn jáne bostandyq pen teńdiktiń negizgi prıntsıpterin buzý bolyp tabylatynyn atap ótken jón. Osyǵan baılanysty prokýratýra adam urlaýdyń naqty bas bostandyǵynan aıyrýmen jazalanatyn aýyr qylmys ekenin eskertedi»,-delingen Jambyl oblystyq prokýratýrasynyń baspasóz qyzmeti.