Jambyl oblysynda burynǵy polıtseıdi óltirdi degen kúdikti ustaldy
ASTANA. KAZINFORM – Áleýmettik jelide manıak dep aıdar taǵylyp, halyqty dúrliktirgen kúdikti ustaldy.
Oqıǵa 31 naýryzda tańerteń bastalǵan. Aptanyń basynda Tarazdaǵy saıabaqtardyń birinde serýendep júrgen áıel aıaýsyz óltirilgen adamnyń denesin tapqan. Adam tanymastaı zaqymdalǵan múrdeniń ıesi buryn polıtsııada istegen bolyp shyqty.
Osydan keıin jergilikti pablıkterde basqa da azaptap óltirilgen adamdardyń múrdeleri beınelengen vıdeolar tarap, qurbandyǵyn balǵa men baltanyń kómegimen óltiretin qanquıly adamnyń paıda bolǵany týraly qaýeset taraǵan edi. Aqyry polıtsııa jón-josyqsyz tarap jatqan málimetterdi teriske shyǵaryp, resmı málimdeme jasaýǵa májbúr bolǵan.
Búkil oblysty dúrliktirgen kúdikti oqıǵadan bir kún ótkende qolǵa túskeni habarlandy. Qazir ol ýaqytsha ustaý ızolıatorynda qamaýly, tergeýshilerdiń suraǵyna jaýap berip jatyr.
Sondaı-aq, Jambyl oblysynda polıtsııa qyzmetkeri asylyp qalǵany týraly aqparat taraǵan bolatyn.