Jambyl oblysynda bıyl 7 «Jaıly mektep» paıdalanýǵa beriledi

ASTANA. KAZINFORM - Jambyl oblysynyń ákimi Erbol Qarashókeevtiń tóraǵalyǵymen ótken keńeste «Jaıly mektep» Ulttyq jobasyn iske asyrý barysy jan-jaqty saralandy. 

Jıynǵa «Samruk-Kazyna Construction» AQ Basqarma tóraǵasy Máýlen Aımanbetov pen birqatar merdiger uıymnyń ókilderi beıne-baılanys arqyly qatysty. 

Jambyl oblysynda 2023-2025 jyldary «Jaıly mektep» ulttyq jobasy sheńberinde jalpy 9 500 oqýshyǵa arnalǵan 12 mektep salý josparlanǵan. (Tarazda - 4, Baızaq aýdanynda - 1, Jambylda - 1, Qordaıda - 3, Merkide - 1, Shýda - 2). Bıyl onyń 7-eýi paıdalanýǵa beriledi desek, qalǵan 5-eýiniń qurylysy 2025 jyly aıaqtalady.

Jalpy, 6 200 oqýshyǵa arnalǵan 7 mekteptiń qurylysyna 15,1 mlrd. teńge qarjy bólinip, transfertpen «Samruk-Kazyna Construction» AQ jiberilgen.

Máýlen Aımanbetov tehnıkalyq, avtorlyq qadaǵalaý qyzmetteriniń jáne merdigerlerdiń jumystary sapaly oryndalýy kerektigin basa aıtty.

Jıyn barysynda ár mekteptiń qurylys jumystaryna qatysty merdigerlerden jeke-jeke jaýaptar alynyp, naqty mindetter júkteldi. Sondaı-aq qurylys basqarmasy basshysynyń orynbasary Álibek Amanbaıdyń da esebi tyńdaldy.

Erbol Qarashókeev Memleket basshysynyń tapsyrmasyna sáıkes júzege asyp jatqan «Jaıly mektep» Ulttyq jobasynyń óńirdegi úsh aýysymdy jáne oryn tapshylyǵy bar mektepterdiń máselesin sheshýdegi mańyzdylyǵyn atap ótti.

Oblys ákimi jaýaptylarǵa qurylystardyń sapasyn qatań baqylaýda ustaý jáne merziminde aıaqtaý úshin tıisti jumystardy kúsheıtýdi tapsyrdy.