Jambyl oblysynda 7 jetim bala baspanaly boldy
TARAZ.KAZINFORM – Shý aýdanynyń prokýratýrasy júrgizgen taldaý nátıjesinde jetim balalar men ata-anasynyń qamqorlyǵynsyz qalǵan balalardyń turǵyn úıge qatysty quqyǵy buzylǵany anyqtaldy.
Jambyl oblysy prokýratýrasy málimetinshe, ýákiletti organ memlekettik turǵyn úı qorynan baspana bólý kezinde onyń jalpy sanynyń keminde 20%-yn jetim balalarǵa berý talaptaryn saqtamaǵan.
Qadaǵalaý aktisin ýaqytyly engizý jáne onyń oryndalýyn qamtamasyz etý nátıjesinde 10 jyldan astam úı kezegin kútken 7 jetim balanyń turǵyn úı alý boıynsha quqyǵy qalpyna keltirildi.
Olardyń árqaısysy Shý qalasynan jalpy alańy 64,6 sharshy metr bolatyn jańa páterlerge ıe boldy.
Jańa qonys ıeleri turǵyn úımen qamtamasyz etilip, óz oshaǵyn qurýǵa múmkindik alǵandary úshin prokýratýra organdaryna alǵys bildirdi.
Aıta keteıik, Jambyl oblysyndaǵy joldaǵy aqaýlar úshin merdiger 1,9 mln teńge aıyppul tóleıdi.