Jambyl oblysynda 54 aýyl sapaly aýyz sýmen qamtylmaǵan

TARAZ. KAZINFORM – Jambyl oblysynda aýyz sýmen jabdyqtaý qyzmetterine qol jetkizý kórsetkishi qalalarda 97,5%, aýyldyq 313 eldi mekende 94,9%-dy qurap otyr. 

Al sapaly aýyz sýmen qamtamasyz etilmegen 54 aýyldyq eldi meken, ıaǵnı 35,4 myń adam jáne Taraz, Shý qalalary boıynsha 10 turǵyn alqap – 6,9 myń adam qalyp otyr.

Bul týraly Óńirlik kommýnıkatsııalar qyzmeti alańynda Jambyl oblysy ákimdiginiń energetıka jáne turǵyn úı-kommýnaldyq sharýashylyq basqarmasynyń basshysy Ǵalym Isaqov habarlady.

– Bıyl oblys turǵyndaryn sapaly aýyz sýmen qamtamasyz etý úshin respýblıkalyq jáne jergilikti bıýdjetten 21,5 mlrd. teńgege qaralyp, 68 joba iske asyrylyp jatyr. Oǵan 37 eldi meken men Tarazdaǵy 5 turǵyn alqapty sapaly aýyz sýmen qamtamasyz etý josparlanyp otyr.
Nátıjesinde jyl qorytyndysymen aýyz sýmen jabdyqtaý kórsetkishi qalalarda 98,8%-ǵa, aýyldyq eldi mekenderde 98,1%-ǵa jetedi, – dedi Ǵalym Isabaıuly.

Buǵan deıin Jambyl oblysynda 60 mektepte sportzal, 31 mektepte ashana, 39 mektepte kitaphana joǵyn jazǵan bolatynbyz.