Jambyl oblysynda 4 kúnde 255 azamat jaýapqa tartyldy

Qoǵamdyq oryndardy lastaǵany, atap aıtqanda, qoqys tastaý, túkirý, jol qozǵalysy erejelerin buzý sııaqty usaq quqyqbuzýshylyqtar jasaǵany úshin jambyldyq polıtseıler 4 kúnde 255 azamatty jaýapqa tartty, dep habarlaıdy Kazinform.

«Quqyqtyq tártip» jedel aldyn alý is-sharasyn ótkizý barysynda polıtseıler usaq quqyqbuzýshylyqtar jasaǵan jambyldyqtardy anyqtap, ákimshilik jaýapkershilikke tartyp jatyr. 

«Buzýshylyqtar Taraz qalalyq polıtsııa bólimi jedel basqarý ortalyǵynyń beınebaqylaý kameralary arqyly anyqtaldy. Er adamdar elimizdiń Ákimshilik quqyqbuzýshylyq týraly Kodeksiniń 434-2-baby «Ortaq paıdalanylatyn oryndardy lastaý» boıynsha ákimshilik jaýapkershilikke tartyldy. Atalǵan bapta bes aılyq eseptik kórsetkish mólsheri – 17 250 teńge aıyppul qarastyrylǵan. Bir jyl ishinde ol azamat qaıta buzǵan jaǵdaıda – 10 AEK, ıaǵnı 34 500 teńge tóleıdi. Jalpy, jyl basynan beri polıtsııa qyzmetkerlerimen Jambyl oblysynyń 2848 turǵynyna aıyppul salyndy», – deıdi oblystyq PD baspasóz qyzmetiniń hatshysy Gúlsara Muhtarqulova. 

Buǵan deıin Jambyl oblysynda 4 jasar balanyń basy kólikterdiń arasyna qysylyp qalǵanyn jazǵan bolatynbyz.