Jambyl oblysynda 2886 esirtki saıty buǵattalyp, 21 qylmystyq is tirkeldi
TARAZ. KAZINFORM – Jambyl oblysynda esirtki qylmysyna qarsy kúres boıynsha vedomstvoaralyq sharalar kúsheıtildi. Bul týraly oblystyq prokýratýra málim etti.
«Esirtki qylmysyna qarsy kúres tıimdi ári júıeli bolýy tıis, sebebi ol qoǵamdyq qaýipsizdikti qamtamasyz etýge jáne halyqtyń densaýlyǵyn qorǵaýǵa áser etedi», - dedi Nurǵalym Ábdirov quqyq qorǵaý organdarynyń barlyq mamandandyrylǵan tergeý jáne operatıvti bólimsheleriniń qatysýymen Polıtsııa departamentinde ótken vedomstvoaralyq keńeste.
Aǵymdaǵy kezeńde birlesken sharalar nátıjesinde esirtki qylmysy 15,3% tómendedi (457-den 387-ge deıin). Oǵan oblystyń 5 aýdanynda jabaıy qarasoranyń naqty ósý ýchaskelerin anyqtap, 1183 tonnasyn (2023 j. - 220 tn) joıa otyryp, jergilikti atqarýshy organdarmen «Esirtkisiz bolashaq» formatynda birlesken sharalar da yqpal etti.
Prokýratýra ázirlegen «NarkoShekteuTaraz» telegram-botymen 2886 esirtki saıty buǵattaldy, 439 graffıtı joıyldy, olar boıynsha 21 qylmystyq is tirkeldi. Sonymen qatar prokýrorlar esirtki jarnamasyn nasıhattaıtyn jaǵymsyz mazmundy anyqtaýǵa basa nazar aýdara otyryp, oqýshylar men kolledj stýdentteri arasynda fakýltatıvtik sabaqtar ótkizip jatyr.
«Esirtki zerthanalary men qylmystyq toptardy anyqtaý jáne jolyn kesý jónindegi qurylymdardyń qyzmetin teris baǵalaýǵa bolady», - dep túıindedi oblys prokýrory.
Osyǵan oraı, jumystyń nátıjeliligin arttyrý boıynsha qosymsha sharalar aıqyndaldy, ol úshin qylmystardy anyqtaý jáne ashý taktıkasy boıynsha arnaıy sarapshylardy tarta otyryp, qarjylyq tergeýlerdi qamtıtyn vedomstvoaralyq toptar quryldy.
Esirtki qylmystaryna qarsy kúreste azamattardyń konstıtýtsııalyq quqyqtarynyń saqtalýyna jáne quqyq qorǵaý organdarynyń jedel-tergeý qurylymdarynyń tıimdiligine basa nazar aýdaryldy.
Nurǵalym Ábdirov esirtki qylmystaryn anyqtaý protsesinde arandatýshylyqqa jáne laýazymdyq fýnktsııalaryn asyrýǵa jol bermeýge erekshe nazar aýdardy. 7 azamatty qylmystyq qýdalaý orbıtasyna zańsyz tartqany úshin polıtsııa qyzmetkerlerine qatysty qylmystardy arandatý jáne laýazymdyq ókilettikterin asyra paıdalaný faktilerimen sotqa deıingi tergep-tekserý júrgizilip jatyr.
Osy jyly «Delta-Dolına» aýdanaralyq esirtkige qarsy kúres bólimniń 2 qyzmetkerine qatysty sot úkimi shyqty (zańdy kúshine engen joq), 34 qyzmetker tártiptik jaýapkershilikke tartyldy. Osy tektes buzýshylyqtardyń aldyn alýǵa naqty sharalary men jaýapkershilik aımaqtary belgilengen birlesken vedomstvoaralyq jospar qabyldandy.
Prokýratýra esirtki qylmysymen baılanysty jaǵdaıdy jaqsartý jáne azamattardyń qaýipsizdigin qamtamasyz etý boıynsha jumysty jalǵastyryp jatyr.
