Jambyl oblysy Polıtsııa departamentine jańa bastyq keldi
ASTANA. KAZINFORM — Qaısar Sultanbaev endi Jambyl oblysy Polıtsııa departamentin basqarady, dep habarlaıdy oblystyq PD baspasóz qyzmeti.
— QR Prezıdenti Ákimshiliginiń kelisimi boıynsha Іshki ister mınıstriniń buıryǵymen Jambyl oblysy Polıtsııa departamentiniń bastyǵy bolyp Qaısar Ábilekuly Sultanbaev taǵaıyndaldy, — delingen habarlamada.
Jańa PD bastyǵyn jeke quramǵa Іshki ister mınıstriniń orynbasary Igor Lepeha jáne Jambyl oblysynyń ákimi Erbol Qarashókeev tanystyrdy.
Qaısar Ábilekuly Sultanbaev ishki ister organdarynda 1990 jyldan bastap qyzmet atqarady. Ár jyldary Batys Qazaqstan, Jambyl, Qaraǵandy jáne Qostanaı oblystarynda basshylyq qyzmetter atqarǵan.
Sondaı-aq Qazaqstan Respýblıkasy Іshki ister mınıstrligi komıtetiniń jáne departament bastyǵy bolǵan.
Budan buryn Altaı Sembekuly Áli Jambyl oblysy ákiminiń orynbasary laýazymyna taǵaıyndalǵanyn jazǵan edik.