Jalpyqytaılyq quryltaı sessııasy aıasynda Qazaqstan men Qytaı týraly kitap usynyldy

BEIJІŃ. QazAqparat - Qytaıda ótip jatqan tarıhı «eki sessııa» baspasóz ortalyǵynda «Siz ben Biz: Qytaı men Qazaqstan tarıhy» kitaby usynyldy, dep habarlaıdy Qytaıdaǵy «QazAqparat» HAA menshikti tilshisi. 

Qytaı jáne orys tilderindegi bul kitaptyń kóptegen danasy 13-shi shaqyrylǵan Jalpyqytaılyq halyq ókilderi quryltaıynyń (JHÓQ) 1-shi sessııasy jáne 13-shi shaqyrylǵan Qytaı halyq saıası konsýltatıvtik keńesi Jalpyqtaı komıtetiniń (QHSKK JK) 1-shi sessııasy baspasóz ortalyǵynyń birinshi qabatyna qoıylǵan.

«Mundaı kitaptar men jýrnaldardyń taralýy elder arasyndaǵy qatynastardy jáne halyqtardyń psıhologııasyn jaqsy túsiný úshin óte paıdaly. Men 20 jyldan beri AQSh-ta turamyn jáne Qazaqstan týraly jıi estımin. Múmkindik bolǵanda Sizdiń elińizge barǵym keledi. Qazaqstan jaqynda BUU Qaýipsizdik keńesinde tóraǵalyq etip, jahandyq álemdi qoldaý boıynsha birqatar mańyzdy bastamalar kóterdi. Qazaqstan halqy Qytaımen, AQSh-pen jáne basqa da eldermen yntymaqtastyqty damytý arqyly gúldenýdi jalǵastyra beretinine senimdimin», - dedi Qytaıda týǵan amerıkalyq jýrnalıst, «Álemdegi qytaılar» baspa úıiniń prezıdenti Gao ıÝntsın QazAqparatqa bergen suhbatynda.



Eske salaıyq, «Siz ben Biz: Qytaı men Qazaqstan tarıhy» kitabyn Qytaı qurlyqaralyq baspasy shyǵaryp, 2015 jyldyń qarashasynda tanystyrylǵan bolatyn.

Kitap úsh bólimnen - dostastyq, yntymaqtastyq jáne eske alýdan turady. Oǵan 22 qazaqstandyq jáne qytaılyq avtorlar kirgen: QR burynǵy Premer-Mınıstri Sergeı Tereşenko, QR-daǵy QHR Tótenshe jáne ókiletti elshisi, QHR syrtqy ister mınıstriniń burynǵy orynbasary Chjan Degýan, QHR-daǵy burynǵy QR Tótenshe jáne ókiletti elshisi Shahrat Nuryshev, Chjoý Sıaopeı, QR-daǵy QHR burynǵy elshisi ıAo Peıshen jáne taǵy basqalar.