Jalpyǵa birdeı salyqtyq deklaratsııa: Aldaǵy 5 jylda kimder mindetteledi
«Bıyl 1 qańtardan bastap deklaratsııany memlekettik qyzmetshiler jáne olarǵa teńestirilgen tulǵalar men olardyń jubaılary tapsyra bastady. 2023 jylǵy 1 qańtardan bastap – memlekettik mekemeler men kvazımemlekettik sektor qyzmetkerleri men olardyń jubaılary tapsyrady», - dep atap ótti mınıstr Úkimet otyrysynda.
2024 jylǵy 1 qańtardan bastap – zańdy tulǵalardyń basshylary men quryltaıshylary, sondaı-aq jeke kásipkerler men olardyń jubaılary úshin deklaratsııalaý engiziledi.
2025 jylǵy 1 qańtardan bastap - azamattardyń qalǵan barlyq sanattary tapsyrady.
«Azamattarǵa arnalǵan úkimet» MK ınfraqurylymyn keńeıtý boıynsha sharalar qabyldandy. Atap aıtqanda, salyqtyq deklaratsııany qaǵaz túrinde halyqqa qyzmet kórsetý ortalyqtary, memlekettik kirister organdary nemese poshta bólimsheleri arqyly usynýǵa bolady. Korporatsııanyń front-ofısteri «Connection Point» ózine-ózi qyzmet kórsetý sektorymen jabdyqtalǵan. Halyqqa yńǵaıly bolý úshin deklaratsııa tapsyrýǵa elektrondyq qyzmetter – salyq tóleýshi kabıneti, «Elektrondyq úkimet» veb-portaly jáne «E-Salyq Azamat» mobıldi qosymshasy bar. Turǵyndar elektrondyq tsıfrlyq qoltańbany (ETsQ) alýǵa onlaın ótinim bere alady, al «Salyq tóleýshiniń kabınetine» sms-kod arqyly ETsQ-syz kirýge bolady», - dep túsindirdi E. Jamaýbaev.
Mınıstrdiń aıtýynsha, qabyldanǵan sharalar jeke tulǵalardyń salyq deklaratsııalaryn qabyldaýdy ýaqytyly uıymdastyrýǵa kómektesedi.
Aıta keteıik, jalpyǵa birdeı deklaratsııalaý sharasy tabys salyǵyn azaıtýǵa múmkindik beredi.
