Jalǵan nómir taqqan, 2 mln teńgeden asa aıyppuly bar júrgizýshi anyqtaldy

TÚRKІSTAN. QazAqparat - Túrkistan oblysy Jedel basqarý ortalyǵynyń qyzmetkerleri 19-mamyrdan beri 90-nan astam quqyqbuzýshylyqty anyqtady, dep habarlaıdy QazAqparat.

Onyń ishinde, jalǵan memlekettik nómir taqqan 1 avtokólik ustaldy.

«Qorǵaý» júıesi arqyly Jedel basqarý ortalyǵyndaǵy qyzmetkerlerge Túrkistan qalasy Táýke han dańǵyly boıynda 2 mln teńge aıyppulyn tólemeı júrgen, sonymen qatar jalǵan memlekettik nómir taqqan «Neksııa» avtokóligi boıynsha belgi berildi. Patrýldik polıtsııa batalonynyń qyzmetkerleri tez arada avtokóliktiń júrgen jerin anyqtady. Ol Táýke han dańǵyly men Keńesary kóshesiniń qıylysynda toqtatyldy. Oǵan qosa júrgizýshi qaýipsizdik beldigin taqpaǵan», - dep jazdy vedomstvodan.

Belgili bolǵandaı, jas jigit 2021 jylǵy qazannan bastap, bıylǵy naýryzǵa deıin 67 ret ákimshilik quqyqbuzýshylyq jasaǵan, aıyppuly – 2 mln 244 myń teńge. Júrgizýshige qatysty ÁQBtK-niń 593-baby, 590-baby boıynsha ákimshilik hattama toltyryldy. Al kólik aıypturaqqa jetkizildi.

Aıta keteıik, sońǵy bir aptada Túrkistan qalasy boıynsha ornatylǵan beınebaqylaý kameralary arqyly mas halde kólik basqarǵan 4 júrgizýshi, kóliktiń aldyńǵy terezelerin kúńgirttegen 7 júrgizýshi, memlekettik tirkeý belgisin taqpaǵan 1 júrgizýshi anyqtaldy. Sondaı-aq 2 qylmystyń izi sýymaı ashyldy.