Jalaǵashta dombyrashylar sherýi ótti

JALAǴASh. QazAqparat - Qyzylorda oblysy Jalaǵash aýdanynda «Dombyra-dýman» atty dombyrashylar sherýi ótip, bir mezgilde 100 ónerpaz Qurmanǵazy kúılerin oryndady, dep habarlaıdy QazAqparat tilshisi.

Sharaǵa áýez mektebi muǵalimderi, oqýshylary, etno top dombyrashylary, «Murager» dombyrashylar ansamblinen quralǵan ónerpazdar qatysty.

«Óńirdiń ózindik kelbeti men ereksheligin, mádenı, rýhanı baılyǵy men tarıhı izgi qadamdaryn jurtshylyqqa nasıhattaý baǵytyndaǵy osy ıgilikti sharany qolǵa alyp otyrmyz. Halqymyzdyń mádenıeti men mýzykasyn damytý, óskeleń urpaqty patrıottyqqa tárbıeleýdegi bul sharanyń mańyzy zor»,- dedi aýdan ákiminiń orynbasary Jaǵypar Tájmahanov.

Shara barysynda ónerpazdar «Erke sylqym», «Kóruǵly», «Kúrishshiler bıi», «Mashbotoı», «Álqıssa», «Sal kúreń», «Nar aǵash» týyndylaryn jekeleı oryndady. Al Qurmanǵazynyń «Balbyraýyn» jáne «Adaı» kúılerin 100 dombyrashy bir mezette kópshilikke tartý etti.

 

Avtory: Ádiljan Úmbet