Jaqsylyq Úshkempirov: Denıs qazaqtyń mańdaıyna syımaı ketti
«Qurmetti qonaqtar! Sport ardageri retinde qatty tolqyp turmyn. Denıs óz balamnan da jas, nemeremmen jasty edi. Qazaq elin dúnıejúzine tanytqanyna qysqy Olımpıadada ózim Sochıde kýəger bolǵanmyn. Sonda alǵan medalin birge súıip, qasynda boldym. Qazaqtyń mańdaıyna sımaı ketti. Júregimizge pyshaq salǵandaı kúı keshtik. Ol Qazaqstannyń kim ekenin dúnıege tanytty. Amal ne?! Onyń esemi óshpeıdi, artynan jastar eretin bolady. «Men de Denıs sııaqty bolamyn»-deıtin bolady. Men osyǵan senemin! Onyń kórmegen ǵumyryn artynda qalǵan jastarǵa bersin. Eli aman bolsyn!»,-dedi Jaqsylyq Úshkempirov búgin Almatyda.
Búgin Almatyda qazaqstandyq mənerlep syrǵanaýshy, Olımpıada oıyndarynyń júldegeri Denıs Tendi aqtyq saparǵa shyǵaryp salý rəsimi ótti.
Saǵat 11.20-da onyń denesin Balýan Sholaq atyndaǵy sport saraıynan alyp shyqty. Sportshyny Drýjba aýylynda jerleıdi.
Aıta keteıik, qazaqstandyq sportshy Denıs Ten 19 shilde kúni pyshaqtan alǵan jaraqattan qaıtys boldy. Sportshy kóliginiń aınasyn urlamaq bolǵan eki adamnyń qylmysynyń ústinen túsken. Arada bastalǵan janjaldyń saldarynan urylar Denıs Tenge pyshaq salǵan.
