Zeınetaqy jınaqtaryn qalaı tekserýge bolady

ALMATY. QazAqparat - Biryńǵaı zeınetaqy jınaqtaý qory (BJZQ) zeınetaqy jınaqtary týraly aqparat alýdyń barlyq ádisterin atady, dep habarlaıdy QazAqparat tilshisi.

BJZQ salymshylaryna yńǵaıly bolý úshin zeınetaqy jınaqtary týraly aqparat alýdyń birneshe ádisi bar:

-elektrondyq tsıfrlyq qoltańbany (ETsQ) nemese enpf.kz veb-saıtyndaǵy jeke kabınetińizde paıdalanýshy aty men parolińizdi paıdalanyp;

- BJZQ mobıldi qosymshasynda ESQ nemese paıdalanýshy aty men paroldi qoldaný arqyly;

- www.cabinet.enpf.kz/porog portalynda ETsQ nemese JSN jáne mGov mobıldi azamattar bazasynda tirkelgen uıaly telefon nómirine SMS arqyly jiberiletin bir rettik paroldi paıdalaný;

- «Azamattarǵa arnalǵan elektrondyq úkimettiń» eGov.kz saıtynda nemese eGov Mobile qosymshasy arqyly;

- enpf.kz veb-saıtynda qurylǵan salymshynyń málimdemesin BJZQ derekter bazasynda tirkelgen elektrondyq poshta meken-jaıyna jiberý arqyly;

6- Salymshynyń qosymsha suraýynsyz BJZQ derekter bazasynda tirkelgen elektrondyq poshta meken-jaıyna úzindi jiberý arqyly;

- poshta qyzmetteri arqyly (jylyna bir ret jyldyq habarlama kezinde, BJZQ bazasynda tirkelgen poshtalyq meken-jaıǵa);

-salymshynyń jeke basyn kýálandyratyn qujaty bar jeke ótinishimen BJZQ-nyń kez kelgen jaqyn aımaqtyq fılıalynda.

BJZQ-nyń aımaqtyq fılıaldarynan qyzmet alý úshin qordyń enpf.kz veb-saıtyndaǵy «Elektrondyq qyzmetter» bólimindegi arnaıy formany toltyryp, salymshyǵa yńǵaıly kelý ýaqytyn tańdap, dúısenbiden jumaǵa deıin saǵat 09: 00-den 18: 00-ge deıin aldyn ala jazyla alasyz.

Barlyq suraqtar boıynsha 1418 tegin nómirine habarlasýǵa bolady.