Zeınetaqy jınaǵyn paıdalaný turǵyn úı jaǵdaıyn jaqsartýǵa múmkindik beredi - Oshaqbaev
Oǵan oraı «Talap» qoldanbaly zertteýler ortalyǵynyń dırektory Rahym Oshaqbaev atalǵan zeınetaqy aýdarymdaryn paıdalaný erejesin túsindirdi, dep habarlaıdy QazAqparat tilshisi.
Erejege sáıkes, turǵyn úı jaǵdaıyn jaqsartqysy keletinder bir jolǵy zeınetaqy tólemin bir banktik qaryz sharty sheńberinde turǵyn úıdi jáne (nemese) jóndeý júrgize otyryp turǵyn úıdi satyp alýǵa arnalǵan turǵyn úı qaryzdaryn ishinara nemese tolyq óteý, ıpotekalyq turǵyn úı qaryzyn qaıta qarjylandyrý úshin bastapqy jarna engizý úshin paıdalana alady.
«Bul sizdiń atalǵan aqshany satyp alǵan úıińizge ǵana jóndeý jumystaryna jumsaı alasyz degendi bildiredi. Eger sizde jeke úıińiz bolsa jáne bireýlermen jóndeý jumystaryn júrgizýge kelisimshart jasassańyz, onda qarajatty jumsaı almaısyz. Eger siz máselen qurylys kompanııasynan páter satyp alsańyz jáne onda jóndeý quny kirgizilgen bolsa, onda qarajatty jumsaı alasyz. Jáne de siz zeınetaqy aqshasy esebinen jóndeý jumystaryna tólem jasaısyz. Bul sharttar kórsetilgen kelisimshart usynatyn shyǵarsyz dep oılaımyn», - dedi Rahym Oshaqbaev.
Sonymen qatar ıpotekalyq turǵyn úı qaryzyn ishinara nemese tolyq óteý, turǵyn úı qurylys jınaqtary júıesi boıynsha jeke turǵyn úı salý (nysanaly maqsaty bar jer ýchaskesin satyp alýdy qosa alǵanda – jeke turǵyn úı qurylysy nemese jeke qosalqy sharýashylyq), turǵyn úı qaryzyn alý erejesin de túsindirdi.
«Eger siz jer satyp alyp, sol jerge úı salǵyńyz kelse, onda zeınetaqy jınaǵyn paıdalana alasyz», - dedi ol.
Rahym Oshaqbaev turǵyn úı qurylysy baǵdarlamalary men daǵdarysqa qarsy baǵdarlamalar sheńberinde berilgen satyp alý quqyǵymen turǵyn úıdi uzaq merzimdi jaldaý sharttary boıynsha bereshekti ishinara nemese tolyq óteýge qatysty mundaı kelisimshart bolsa zeınetaqy jınaǵyn alýǵa bolatyndyǵyn aıtty.
«Bul zańǵa moıynsunatyn orta sanattaǵy azamattardy yntalandyrýǵa baǵyttalǵan Prezıdenttiń óte jaqsy ári durys reformasy. Zeınetaqy júıesindegi 761 myń qazaqstandyqta jetkilikti shek bar. Memleket úshin osynaý zeınetaqy qarajatynyń negizinen bastapqy turǵyn úı satyp alýǵa jumsalǵany mańyzdy. Sol kezde ekonomıka úshin qajetti pozıtıvti, mýltıplıkatıvti áser bolady. Endi baǵa ósimin shekteýge umtylǵan jón», - dedi Rahym Oshaqbaev.