Zeınetaqy jınaǵyn paıdalaný: 127 myń salymshydan ótinish tústi

ALMATY. QazAqparat - Qazaqstandyqtar 423 mlrd teńgeden astam qarjyny turǵyn úı jaǵdaılaryn jaqsartýǵa paıdalana alady, dep habarlaıdy QazAqparat tilshisi.

2021 jyldyń 15 aqpanyndaǵy jaǵdaı boıynsha Biryńǵaı jınaqtaýshy zeınetaqy qoryna ýákiletti operatorlardan merziminen buryn tólemderdi júzege asyrýǵa maqsatty paıdalaný úshin 127 357 salymshynyń ótinishi kelip tústi.

78 074 ótinish oryndaldy jáne salymshylar ýákiletti operatorlarda ashylǵan ózderiniń arnaıy shottaryna birjolǵy zeınetaqy tólemderi (BZT) túrinde shamamen 423,7 mlrd teńge aldy. Tólemderdiń ortasha somasy 5,4 mln teńge.

Taǵy 45,3 mlrd teńgeden astam somaǵa 8 636 ótinish tólemderdi júzege asyrý úshin óńdelýde.

40,6 myń ótinish zańnama talabyna saı kelmegendikten, qarastyrylmaıdy.

Ótinish sany boıynsha áli de Almaty (19,8%), Nur-Sultan qalasy (16,2%) men Mańǵystaý oblysy (15,4% ) alda.

Eske salsaq, 2021 jyly 2 qańtarda QR Prezıdenti Qasym-Jomart Toqaev zeınetaqy jınaǵynyń bir bóligin maqsatty paıdalanýǵa qatysty zańǵa qol qoıdy.

Qazaqstandyqtardyń zeınetaqy jınaqtaryn paıdalaný úshin jańartylǵan «jetkiliktilik shegi» jarııalandy. Zeınetaqy jınaǵynan alýǵa bolatyn soma BJZQ saıtynda avtomatty túrde kórsetiledi.

23 qańtardan Qazaqstanda zeınetaqynyń bir bóligin alýǵa ótinim qabyldaý bastaldy. Arnaıy portalda zeınetaqynyń bir bóligin alýǵa ótinim qabyldaý bastalǵaly úsh saǵattyń ishinde 4 myńnan astam adam ótinish berdi.