Zeınetaqy jınaǵyn basqarýshy kompanııalarǵa ınvestıtsııalyq basqarýǵa aýdarý qalaı júrgiziledi
«Azamattardyń jınaqtaryn basqarýshy kompanııalarǵa ınvestıtsııalyq basqarýǵa aýdarý quqyǵy salymshylarǵa óz jınaǵyn basqarýǵa qatysýǵa múmkindik beredi. Kompanııalardy tańdaýdy ınvestıtsııalyq strategııalarǵa, olardyń ınvestıtsııalyq basqarý nátıjelerine baǵdar jasaı otyryp, salymshy óz qalaýymen júzege asyrady. Bul qadamdardy qashyqtan BJZQ saıtynda jeke kabınet arqyly iske asyry alady», - dedi J. Qurmanov Ortalyq kommýnıkatsııalar qyzmetinde
Onyń aıtýynsha, BJZQ barlyq jarnalardy, aktıvterdi, ınvestıtsııalyq tabysty ortalyqtandyrylǵan esepke alýdy jalǵastyrady. Budan basqa, BJZQ qarjy naryǵynyń retteletin qatysýshysy retinde kompanııalarmen senimgerlik basqarý sharttaryn, kastodıan-banktermen kastodıandyq sharttar jasaıtyn bolady. Osylaısha, zeınetaqy jınaqtarynyń biryńǵaı esebi men baqylaýy júrgizile beredi.
Sonymen qatar J. Qurmanov BJZQ aqparattyq júıelerdiń tehnıkalyq daıyndyǵyn, olardyń ýákiletti organdarmen jáne uıymdarmen ıntegratsııalaıtynyn aıtty. Zeınetaqy jınaqtaryn merziminen buryn paıdalaný boıynsha bıznes-úderister jónindegi ishki normatıvtik qujattar daıyndaldy
«Tabysty almastyrý koeffıtsıentin esepteýge qajetti memlekettik bıýdjetten taǵaıyndalǵan tólemder týraly málimetter alý úshin «Azamattarǵa arnalǵan úkimet» memlekettik korporatsııasymen ózara is-qımyl formaty uıymdastyryldy. Atalǵan aqparattyq ózara is-qımyl qoldanystaǵy ıntegratsııa aıasynda júzege asyrylatyn bolady», - dedi ol.
Sonymen qatar, J. Qurmanov ýákiletti operatordan jınaqtardy merziminen buryn alýǵa beriletin ótinishterdi qabyldaý, tekserý, óńdeý jáne oryndaý boıynsha barlyq fýnktsıonal belsendi túrde testileý synaǵynan ótkizilip jatqanyn atap ótti.
BJZQ-nyń enpf.kz saıtyndaǵy jeke kabınette jáne uıaly qosymshasynda salymshy úshin shekti somany jáne alýǵa bolatyn qarajat mólsherin kórsetý iske asyryldy. Osylaısha, azamattar jeke kabınetine kirip, jınaqtyń jalpy somasyn da, alýǵa bolatyn qarajat mólsherin de birden kóre alady. Ol salymshyǵa óziniń zeınetaqy jınaǵyn paıdalaný týraly sheshimdi túbegeıli oılastyryp, asyqpaı qabyldaýǵa múmkindik beredi.
Budan buryn habarlanǵandaı, «Biryńǵaı jınaqtaýshy zeınetaqy qory» AQ basqarma tóraǵasy Janat Qurmanov zeınetaqy jınaqtaryn maqsatty paıdalanýǵa qatysty túsinik berdi.
«Zeınetaqy jınaqtaryn alý týraly sheshim qabyldaǵan adamdar turǵyn úı satyp alý jáne emdelý máseleleri jónindegi ýákiletti operatorǵa (Otbasy bank) júgine alady. Ýákiletti operatordan habarlama alǵannan keıin BJZQ zeınetaqy jınaqtaryn ýákiletti operatordyń arnaıy shottaryna salý úshin aýdarýdy júzege asyrady», - dedi J. Qurmanov.