Zeınetaqy jınaǵyn alýǵa tańerteńnen beri 11 myńǵa jýyq adam ótinim berdi

NUR-SULTAN. QazAqparat – Búgin saǵat 9:00-den bastap arnaıy portalda zeınetaqynyń bir bóligin alýǵa ótinim qabyldaý bastalǵaly 10 500-den astam adam ótinish berdi. Bul týraly «Otbasy bank» AQ baspasóz qyzmetinen málim boldy, dep habarlaıdy QazAqparat tilshisi.

«Atap aıtqanda, enpf-otbasy.kz arnaıy saıty arqyly saǵat 17:00-ge qaraı 10 779 ótinim qabyldandy», - dedi baspasóz qyzmetiniń ókili QazAqparat saýalyna jaýap bere otyryp.

Belgili bolǵandaı, zeınetaqynyń bir bóligin aýdarýǵa arnalǵan 67 myńnan sál astam arnaıy shot ashyldy.

Budan buryn habarlanǵandaı, zeınetaqynyń bir bóligin alýǵa ótinim qabyldaıtyn saıt iske qosyldy. Osy arqyly el aýmaǵynda ótinim qabyldaý bastaldy.

Aıta keteıik, Ortalyq kommýnıkatsııalar qyzmetiniń alańynda keshe zeınetaqynyń bir bóligin baspanaǵa jumsaý máselesine qatysty baspasóz máslıhaty ótti.

Indýstrııa jáne ınfraqurylymdyq damý mınıstrliginiń ókilderi men «Otbasy bank» basshylary jıynda kóptiń kókeıinde júrgen basty suraqtarǵa jaýap berdi.