Zeınetaqy qorynda qansha aqsha jınalǵanyn qalaı bilýge bolady
Salymshylar bul aqparatty turǵylyqty jeri boıynsha poshtaǵa nemese elektrondyq tásil arqyly ala alady.
Elektrondyq tásildiń birneshe nusqasy bar:
- BJZQ-ǵa usynylǵan elektrondyq poshta arqyly. Bul jaǵdaıda salymshy (alýshy) zeınetaqy shoty boıynsha úzindi kóshirmeni elektrondyq poshta arqyly ózi tańdaǵan keste boıynsha: aı saıyn, úsh aı saıyn, alty aı saıyn nemese jyl saıyn alady;
- elektrondyq tsıfrlyq qoltańba nemese logın men qupııasózdi qoldana otyryp, qor saıtyndaǵy «jeke kabınet» arqyly alý;
- elektrondyq tsıfrlyq qoltańbanyń kómegimen Elektrondyq úkimet portalyndaǵy «jeke kabınet» arqyly alý. Bul rette birrettik sms-paroldi de paıdalanýǵa bolady. Ol úshin salymshy (alýshy) Elektrondyq úkimet portalynyń «jeke kabınetinde» tirkelip, úzindi kóshirme alýǵa saýal joldaıdy. Sonda onyń uıaly telefonyna birrettik sms-parol jiberiledi.
Egov.kz portaly arqyly málimetter alý úshin salymshylar osy saıttyń «Azamattar» sanatyna kirip, «Áleýmettik qamtamasyz etý» aıdaryn tańdaıdy. Odan ári «Zeınetaqymen qamtamasyz etý» bóliminde qajetti aqparatty alýǵa qol jetkizedi.
Salymshyǵa aqparat jiberýdiń tásili BJZQ bazasynda kórsetilmegen jaǵdaıda, azamat úzindi kóshirmeni qor keńsesine kelip qana ala alady. Aqparat alý tásilin tańdaý úshin jeke basyn kýálandyratyn qujat bolýy shart. Munda qor mamandary JSN men qupııa sózdiń kómegimen enpf.kz saıtyndaǵy «jeke kabınetke» tirkelýge kómektesedi.
Eger elektrondyq tsıfrlyq qoltańbanyń (ETsQ) kilti bolsa, qor keńsesine kelmeı-aq, jeke kabınette zeınetaqy shotynan aqparat alý tásilin tańdaýǵa jáne ózgertýge bolady. Sondaı-aq qor saıtynyń «jeke kabınetinde» zeınetaqy jınaǵy men eseptelgen ınvestıtsııalyq tabystar kólemin jáne zeınetkerlik jasqa tolýǵa qansha ýaqyt qalǵanyn bilýge bolady.
ETsQ jáne JSN men qupııa sózdi qalta telefonyndaǵy ENPF uıaly qosymshasyna kirý úshin de qoldanýǵa bolady. Qosymshany Android jáne IOS bazasynda jumys isteıtin kez kelgen smartfon men planshetke tegin júkteýge bolady. Ol qazaq jáne orys tilderinde jumys isteıdi.