Zeınetaqy qory salymshylar aldynda esep berýge daıyn
Qordyń málim etkenindeı, 2,6 mıllıonǵa jýyq adam ınternet baılanysy (saıt arqyly nemese ENPF uıaly qosymsha) arqyly 2016 jylǵa úzindi kóshirme ala alady.
"2 mıllıonǵa jýyq salymshy (alýshy) poshta baılanysy arqyly, onyń ishinde 206 349 adam elektrondyq mekenjaıyna úzindi kóshirme alady. Sonymen qatar árbir salymshynyń (alýshynyń) óz zeınetaqy jınaqtarynyń jaı-kúıi týraly aqparatty BJZQ-ǵa ózi baryp, ótinish jasaı otyryp alýyna bolady", - delingen xabarlamada.
Úzindi kóshirmeler jeke zeınetaqy shotyn ashý týraly ótinishte, zeınetaqymen qamsyzdandyrý týraly shartta nemese habarlaý tásilin ózgertý/anyqtaý týraly qosymsha kelisimde salymshy (alýshy) kórsetken mekenjaılarǵa, onyń ishinde elektrondyq mekenjaılarǵa jiberiletin bolady.
Eger salymshy (alýshy) turǵylyqty jerin aýystyrsa jáne ótken jyldyń 31 jeltoqsanyna deıin bul týraly Qorǵa habarlamasa, onda poshta arqyly jiberilgen 2016 jylǵa arnalǵan úzindi kóshirmesi BJZQ-ǵa qaıtarylady. Mundaı jaǵdaıda BJZQ qoldanystaǵy zeınetaqy zańnamasyna sáıkes kelesi jylǵa úzindi kóshirmeni jibermeýge quqyly bolady.
Aıta keteıik, árbir salymshy eger mekenjaı nemese ózge de aqparattar ózgergen jaǵdaıda Biryńǵaı jınaqtaýshy zeınetaqy qoryn xabarlandyrýy tıis. Sebebi bul qordyń óz mindettemelerin oryndaýyna kedergi keltiredi. Qazirgi ýaqytta sonyń kesirinen 1,6 mln salymshyǵa úzindi kóshirmeler jetkizilmeı otyr.