Zeınet jasynyń nelikten uzartylǵanyn halyqqa durystap túsindirý qajet - N. Nazarbaev
«Zeınet jasyn kóterý jaı ánsheıin dep oılaısyzdar ma? Qarapaıym adam úshin - bul aýyrtpalyq. Biraq, oǵan seniń balalaryń 15 jyldan keıin zeınetaqy ala almaıdy deseń, ol muny túsinbeıdi. Oǵan bizde ómir súrý uzaqtyǵy kóz aldymyzda nebári 10 jyldyń ishinde 64-ten 72 jasqa óskenin túsindirý qajet. Birde-bir memleket dál osyndaı ýaqyt ishinde mundaı ómir uzaqtyǵyna qol jetkizgen joq», - dedi QR Prezıdenti.
Elbasynyń atap ótýinshe, búgingi tańda elimizde de, álemde de qarttar sany artyp, sol sebepti jumysshylardyń sany, soǵan sáıkes zeınetaqy aýdarymdarynyń kólemi kemýde.
«Eger biz jasty ulǵaıtpasaq, onda zeınetaqyǵa da aqsha bolmaıdy. Menińshe, bul barlyǵyna da túsinikti. ıAǵnı, memleket adamdardyń búgingi kúni ǵana emes, aldaǵy ómiri de jaqsy bolýy úshin aldyn alý sharalar qabyldaýy kerek. Bul rette azamattardyń barynsha zardap shekpeýin nazarǵa alǵan jón», - dedi Memleket basshysy.