Zertteý: Almatylyqtardyń 89,1% din salasyndaǵy memlekettik saıasatty qoldaıdy
Jıynda 9 aıdyń qorytyndysy boıynsha din salasyndaǵy memlekettik saıasatty iske asyrý máseleleri qaraldy.
Búgingi kúni qalada 17 konfessııanyń 184 tirkelgen dinı birlestigi jumys isteıdi. 115 ǵıbadat úıi qyzmet kórsetedi, onyń ishinde 52 meshit, 20 pravoslav shirkeýi men soborlar. Din salasynda osy jyly 16 joba iske asyrylyp jatyr. Oǵan 10 úkimettik emes uıym tartyldy.
Konfessııaaralyq kelisimdi qamtamasyz etý maqsatynda Almatyda dinı birlestikter kóshbasshylarynyń klýby jumys isteıdi. Konfessııalar men memlekettik organdar ókilderiniń arasyndaǵy senimdi qarym-qatynastardy damytýǵa oń yqpal etetin túrli mádenı, sporttyq is-sharalar men jınalystar ótkiziledi.
Dinı saýattylyqty arttyrý, halyqtyń zaıyrlylyq qaǵıdattaryn jáne radıkaldy ıdeologııanyń zııandylyǵyn túsindirý úshin aqparattyq-túsindirý jumystary júrgizilip jatyr. Jyl basynan beri 63 myń adamdy qamtyǵan 507 is-shara ótkizildi, bul 2020 jylǵa qaraǵanda 80% kóp.
Dinı ahýaldy baǵalaý boıynsha áleýmettik zertteý nátıjelerine sáıkes halyqtyń 89,1% din salasyndaǵy memlekettik saıasatty qoldaıdy.
Alqa qorytyndysy boıynsha qala ákiminiń orynbasary Erjan Babaqumarov konfessııaaralyq kelisimdi nyǵaıtý máseleleri boıynsha rýhanı-túsindirý jumysyn arttyrýdy, sondaı-aq ekstremızm men terrorızmge qarsy is-qımyl máselelerinde memlekettik organdardyń barlyq múddeli uıymdarmen ózara is-qımylyn kúsheıtýdi tapsyrdy.
Sonymen qatar, Din isteri basqarmasy «Rýhanı jańǵyrý» KMM jáne Almaty qalasy QMDB fılıalymen birlesip, azamattardyń týǵan ólkesin damytýǵa, áleýmettik máselelerdi sheshýge, onyń ishinde áleýmettik nysandar, mektepter, medıtsınalyq mekemeler salý jónindegi jobalardy iske asyrýǵa, sondaı-aq ómirlik qıyn jaǵdaıǵa tap bolǵan azamattarǵa kómek kórsetýge baǵyttalǵan «Týǵan jer» arnaıy jobasyna metsenattardy tartý boıynsha birlesken jumys josparlandy.
