Zergerlik buıymdardy urlaǵany úshin izdeýde júrgen qazaqstandyq Ystanbulda ustaldy

ASTANA. KAZINFORM – Qazaqstan ІІM Interpol Ulttyq ortalyq bıýrosynyń suraýymen Ystanbulda QR QK-niń 188-babynyń 4-bóligi (urlyq) boıynsha qylmys jasady degen kúdikpen halyqaralyq izdeýde júrgen 33 jastaǵy áıel ustaldy.

Polisia.kz jazýynsha, 2021 jyldyń jeltoqsanynan 2022 jyldyń maýsymyna deıin Astanadaǵy zergerlik dúkenderdiń birinde satýshy bolyp jumys isteı júrip, ol jalpy quny 156 mln teńgeden asatyn buıymdardy urlap ketken.

27 qarashada túrik quqyq qorǵaý organdarynyń kómegimen kúdikti Qazaqstanǵa deportatsııalanyp, qamaýǵa alyndy.

Aıta keteıik, Stepnogorskide zańsyz altyn óndirgen top ustaldy.

ShQO-da 96 jastaǵy keıýanany tonamaq bolǵan er adam qolǵa tústi.