Zerendi aýdany ákiminiń orynbasary 15 táýlikke qamaldy

KÓKShETAÝ. KAZINFORM – Aqmola oblysynda mas kúıinde rýlge otyrǵan Zerendi aýdany ákiminiń orynbasary 15 táýlikke qamaldy.

Aqmola oblystyq soty baspasóz qyzmetiniń málimetinshe, Kókshetaý qalalyq ákimshilik quqyq buzýshylyq jónindegi mamandandyrylǵan sotynda QR Ákimshilik quqyq buzýshylyq týraly kodekstiń 608-babynyń 1-bóligi (kólik quralyn mas kúıinde basqarý) boıynsha zań buzýshylyq jasaǵan Zerendi aýdany ákiminiń orynbasary «B.» qatysty ákimshilik quqyq buzýshylyq týraly isti qarady.

Sotta aıyptalýshy ortasha dárejeli mas kúıinde avtokólikti basqarǵany jáne ony polıtsııa qyzmetkerleri toqtatqany anyqtaldy.

«Sottyń qaýlysymen aıyptalýshy kólik quraldaryn basqarý quqyǵynan 7 jylǵa aıyryldy. Sonymen birge, 15 táýlikke ákimshilik qamaýǵa alyndy. Buǵan qosa, shara qoldaný maqsatynda sot oblys ákiminiń atyna jeke qaýly shyǵardy. Onda qaramaǵyndaǵy qyzmetkerdiń quqyq buzýshylyqqa jol bergeni týraly aıtylǵan. Sot aktileri zańdy kúshine engen joq», - dedi vedomstvodan.

Aıta ketsek, budan buryn Aqmola oblysynda polıtsııa bólimi bastyǵynyń orynbasary alaıaqtyq jasaǵany týraly jazǵan edik.