Іzdeýdegi Qazaqstannyń burynǵy bas kólik prokýrory Germanııada ustaldy

ALMATY. KAZINFORM — Halyqaralyq izdeýde júrgen Qazaqstannyń burynǵy bas kólik prokýrory Maqsat Dúısenov Germanııanyń Fıýrt qalasynda ustaldy. 

Іshki ister mınıstrliginiń málimetinshe, ony Interpol jelisi boıynsha halyqaralyq yntymaqtastyq aıasynda Germanııa quqyq qorǵaý organdary qamaýǵa aldy.

— QR ІІM Interpol UQB-nyń suraýy boıynsha Fıýrt qalasynda halyqaralyq izdeýde júrgen azamat D. ustaldy. Іzdeýdegi tulǵany nemis quqyq qorǵaý organdary Interpol jelisi boıynsha halyqaralyq yntymaqtastyq aıasynda anyqtap, qamaýǵa aldy, — dep habarlady QR ІІM baspasóz qyzmeti.

Vedomstvo jazadan bultarmaýdy qamtamasyz etý úshin sheteldik áriptestermen jáne halyqaralyq uıymdarmen belsendi ózara is-qımyl jalǵasyp jatqany atap ótildi.

Eske salaıyq, buǵan deıin Qazaqstannyń burynǵy bas kólik prokýroryna izdeý salynǵanyn jazǵanbyz.